初試鳳梨酥

咪有一個怪癖 每次整野食之前

都會先拖下地, 抺乾淨之後先開始

其實 .... 次次都整完都要重新抺一次

...... 點解係都要做兩次 ?!? 真係唔明.....

不過點都改唔到呢個怪癖 ! 哈 !

今日試下第一次焗鳳梨酥 未算好完美

唔靚都post出來 ?!? 每個人既第一次都未必係最理想

而且分享出黎, 想整既朋友會知道那裡有機會出錯

可以留意下 ar ma ^^

升高左既鳳梨酥 !  ...... 點解會升高左既 ?!?

看 ! 有一條邊唔同色既...就係升高左既地方

壓得唔夠實ma ? 還是...佢真係會彈起既 ??

嘻~雖然賣相未最完美

不過味道一流呀, 仲幾鬆化tim :)  好味 !!!!!

真係好味架 !!

又分享食譜下先

材料 (8 個份量) 

無鹽牛油 62g / 細砂糖 19g / 蛋 14g / 奶粉 19g / 低粉 75g

杏仁粉 19g / 吉士粉 3/4 湯匙 / 鳳梨餡料約 200g

做法

1 先將牛油與細砂糖拌勻, 再加入蛋攪拌至均勻

2 加入過篩之低粉, 奶粉, 吉士粉及杏仁粉 拌勻

3 將麵糰分成8份

4 將麵糰壓扁 放入鳳梨餡料並包好, 放入先抺上牛油的鳳梨模中 壓平

5 放入先預熱 170度焗爐, 焗20分鐘即成



問題 ....... 會唔會..... 我真係壓得唔夠實呢 ?!?!  hehehehe