Hello Kitty 咭套圖樣

早前SA整過十字繍咭套既

不如分享下個圖紙, 有興趣或鍾意Hello Kitty都可以參考下呢

呢個圖紙係於網上forum找來的 不過SA將眼睛有少少修改

只做了一個四方都已經OK喇

一起玩呀 :)

山頂上之香港夜景

SA好耐都沒有到山頂喇

還記起上次已經係五年前既時候了

嘻嘻 山頂係拍拖既時候先會去吧 XD

早兩天, 終於可以抽時間上去行下

吃過一個簡單既晚餐

就立即去凌宵閣睇夜景

哎呀 原本而家既觀景台係要付款先可以上到最高處

但帶著拍拖既心情去 ..... 幾錢都比吧 哈哈哈 !

結果兩人同行嘟左$60做遊客 嘻

儲存繍花線之煩惱

好熱呀, 好熱呀 !
SA都係選擇留在家中執下野
玩下apps
今日執拾時同自己講....
SA唔好再買玩具喇, 買買買既後果就係執餐飽 :(
還是...要改變下自己D習慣呢 ?!

好....去買本書學下點收納先 HAHAHA !
D日本書講收納既又係鬼咁吸引

SA自從玩cross stitch之後
家中多了繍花線
當初只將線胡亂的放
結果當然不堪入目吧

唔得, 咁只會浪費材料
趕快整理一下

買了DMC既線版
將線mark好no, 再用盒子放好

盒子是手信既食物盒, 又可廢物利用喇 ^^

之不過 .... 如果線再多些, 又要想想用什麼儲存了
除非...唔買吧 嘻嘻 !

如果有更好既方法, 介紹給我呀 :)

太古城Apita手作用品大特賣

好介紹好介紹 快d分享左先

太古城中心Apita手作出品做sale呀 !

SA唔係好捨得買日本仔d手作用具
.......因為好貴呀 ><

不過SA一直好想買可樂牌既製作邊緣器
平時晝邊緣時都只用間尺幫助
但做curve位置就總是晝得唔好

今天想.....算吧 有用既貴少少都唔緊要啦
到Apita時見有counter賣手作用品, 全部都有15% off

嘩 !!!! 開心屎了 !
立即買下我心儀的 !

有 3mm, 5mm, 7mm 同 10mm
做拼布或包包通常都用上 7mm
折後只要 $56, 嘻嘻平了 $10 !!!
開心的 !

counter仲有好多其他手作用品呀
拼布材料包, 羊毛毯針, 羊毛, 日本布等等
喜歡買日本用品的, 可以去看看呀 !

counter姐姐說promotion至下星期二
八五折 八五折 :)

地點 : 太古城Apita B1 近food court位置的小小counter

酥皮肉桂蘋果批

生果中SA最不愛蘋果
但熱吃又不錯喔 :)

參考Blogger Miss Jubie既食譜, 焗了這個酥皮肉桂蘋果批

好味道 !

材料： (6件份量)

蘋果 --- 2個 (買爽口果種, 洗淨, 刨皮, 去芯, 切粒 1cm x 1cm)
砂糖 --- 5 tablespoon
黑糖/黃糖 --- 1 tablespoon
玉桂粉 --- 1/4 teaspoon
急凍酥皮 --- 6 塊 (各大型超市急凍櫃有售)
蛋黃 --- 1個 (掃皮用)
無鹽硬牛油 --- 橫切3片
清水 --- 150ml
糖霜 --- 適量
朱古力醬 --- 適量

作法

1. 預熱焗爐至攝氏185度

2. 先將蘋果洗淨, 刨皮, 去芯, 切成每粒約 1cm x 1cm, 備用

3. 先用大火燒紅個pan, 再加入無鹽硬牛油, 轉中火至融解, 再加入蘋果粒兜勻, 兜勻後加入清水+玉桂粉+砂糖+黑糖/黃糖, 攪勻至滾, 轉中小火, 蓋蓋煮約20-25分鐘, 至蘋果變淋及收乾汁至濃杰狀態, 此時可試味, 如太酸可再加糖, 如水份蒸發得太快可再加入清水, 再蓋蓋煮至你認為滿意為止, 熄火, 備用

4. 將急凍酥皮攤平, 中間位置加入適量蘋果餡, 接好後, 用叉壓酥皮邊以防焗時會漏出蘋果餡, 再反轉蘋果酥批後, 同樣用叉壓酥皮邊, 及後用掃掃上適量蛋黃汁, 於蘋果酥批面上斜界三小刀, 備用

5. 將蘋果酥批逐一鋪放於有錫紙鋪底焗盤上, 再放入焗爐焗至漲起及變啡金黃色(約5-8分鐘)

6. 灑上適量糖霜, 再唧上適量朱古力醬即成

食譜來源 Miss Jubie's Blog
http://hk.myblog.yahoo.com/jw!SHLegiaYBRW.jh2TWXtyCA--/article?mid=19883

謝謝分享 :)

Mister Donut 獅子

SA好鍾意食冬甩

去台灣.....食 ! 日本....食 !
而家香港有沒有冬甩賣既呢? 

冬甩獅子我當然好鍾意啦

今日心血來潮想整襪子公仔
所以即刻落街買材料
好可惜D顏色同款有限

不過都一樣買到岩既
.....來開工喇

OK嗎? 第一次玩襪子公仔, 原來都幾好玩呀
做既時候已經唔夠公仔棉
於是 ...將一隻唔會再抱既公仔解體拎佢d棉來用 哈哈 !

做呢個冬甩既做法亦係自己想出來架
不過下巴位置同埋波波頭要再修補少少就perfect喇 :)

好啦, 比你在窗台陪SA啦 ^^

下回再簡單介紹怎樣製作啦, SA要休息下先  ^^

Miniature Exhibition

哎呀 SA既感冒終於都好番八八九九喇

病左十多天, 今天可以食番雪糕喇 呵呵

最近D病菌真係好利害 好多同事都跟我一樣, 病足起碼一星期

大家要小心喔 !

SA之後又可以再投入整野食喇 嘻嘻嘻


太古城中心最近有個展覽

我估好多手作愛好者都去看過了

而且地點好近SA既工作地方

當然要睇啦 :) 不過好多人呀 !

全部都係好精緻既作品

神位同電視都好迫真呀, 而且畫面係會郁架, 真利害

大押好似呀

情景既比例非常好

呢個我好鐘意呀 ! 因為好多兒時食物有好多回憶

哈 雜貨店現在已經唔多了, 日本城&實惠反而四處都有 :)

展品實在好多, 但亦有非常多人

差不多相機撞相機 哈哈哈 !

個個都努力影相留念, 未能在場慢慢欣賞

不過展覽至明天咋, 想看就把握最後機會喇

展場 : 太古城中心商場

SA第一次團購

團購在香港真係越來越流行

SA都心思思走進網頁八卦一下, 有什麼著數

得知Yahoo亦有團購服務, 看看先

嘻嘻, 我的第一次又比左雅虎了 !

七月七日晴 2011

SA又大一歲喇
七月七日, 亦是晴 ^^
今年呢就跟朋友一起, 到澳門玩了兩日一夜

Hubby先在Venetian訂好房間, 跟朋友在澳門會合之後
就去吃過自助餐, 雖然自助山已經吃過多次喇
不過始終都係最多野食既一間
之後就跟朋友四處玩, 同佢地一起去下新既Galaxy八卦下

回到Venetian之後, 酒店就送上Mr Hubby預先叮囑酒店安排既驚喜

係一個六吋既生日蛋糕呀, 酒店將蛋糕放在房間
真係好驚喜呀, 沒想到酒店會為我地送上蛋糕
藍莓加士多啤梨, 味道亦唔錯
還以為只會是送上一些餐飲coupon等等
多謝Venetian ^^ 仲有Hubby既安排

到第二天, 繼續四處吃
朋友介紹我地一起吃魚翅, 好 !又試試先

呢個係剩惠 $80既砂鍋翅, 好熱辣辣 !
天氣好熱而且店內迫滿人, 我地都食到流晒汗呀 嘻 !

壽星囡不會賭博, 不過就喜歡玩slots
中呀中呀中呀 ! 就算輸了, 氣氛都會一樣刺激既娛樂 哈 !
最後壽星囡亦真的好運氣, 贏了一個巨獎
......獎金有足夠一晚房間$及船票架 嘻嘻

過左個難忘既生日 回來後到家人為我興祝

我既外姪送給我既蛋糕

再加上兩隻鬆弛熊既公仔, 為我準備我喜愛既禮物, 仲要自淘銀包買的
Sasa E好開心呀 ! 佢鍚我, 但我更錫佢 ^^

過完呢個假期, 今天就留在家中休息, 打掃一下
明天要回復工作努力喇 ^^

Hello Kitty 咭套

哎呀 SA生病了 重感冒已經五天喇

醫生開既藥令到人軟弱無力, 仲要不停瞓

要快d康復喇, 工作大受影響呀

病緊都要玩手作仔 嘻

完成了咭套既其中一邊

好可惜原來用既紅色唔係來自同一組色
結果有少少色差, 唔緊要啦 :)

呢塊十字繍係膠質地, 好好用呀

好番之後再做埋另一邊既圖案先 :)