新手iherb購物

online shopping 實在好方便

SA都開始有D宅女feel, 鍾意躲在家 買東西都上網買 哈 !

不過今次係好奇之下, 上了iherb 試第一次在這裡買野

開箱入面係包裝得好整齊, 液體既產品都要有密實袋放好 

SA買左都幾多野回來, 不過就主要分享些用緊既東西 

先講下呢兩支, 分別係一支now solutions既杏仁油
早前冬天既時候天氣好乾, SA就有用油既產品
不過就唔可以貪心, 少少就已經好足夠
而最近SA發覺用它來落妝都好好
但油質既落妝就未必人人喜歡

另外那支係非常好用既玫瑰花toner
SA係睇vblogger黑咪介紹的, 真係好香玫瑰味
而且保濕都做得唔錯, 價錢都係大約US$8 好抵用的 

iherb仲有大把保健品, SA心思思試下呢隻減磅東西
不過.....好似無咩效果, 可能SA太肥掛.....哈哈
而成份中原來有cafferine, 要特別注意每天飲食有否食用了太多含有咖啡因既食物

 另外就買左D elf既beauty product
elf 既價錢平宜到不得了, 好多係只要US$3
佢既product係中國國內製, 夠膽用? SA夠膽呀, SA相信會有監控的
其他就唔好lu, 係好奇之下, 買些回來
這個eyeshadow primer SA有用的, SA覺得ok

呢隻眉粉都亦算ok, 同SA平時用既都有D似, 少少creamy的
不過那個掃就.........算吧喇 唔鍾意 

依然係elf既腮紅 嘩 ! 超級飛粉的, 不過可能係咁, 好易掃上
color亦岩SA心水, 咁就飛一半掃一半啦 哈哈 !
SA既用了約1/3喇, 因為飛走晒掛 呵呵 算啦, 咁平 ^^"

嘻嘻 超大盒既eyeshadow palette, US$10
SA平時用既eyeshadow既顏色唔算多
但又好想試下有咩色係的確岩SA
所以先買盒多顏色的來當玩具 試過玩過後, 
原來藍色綠色等係最嚇人的, SA受不了 哈 !

呢盒Physicians Formula就perfect喇
大地色系最隱陣, 上色都好自然

打開後係咁既, 顏色有好輕微既閃, 夠架喇 
淺色的打底, 深少少的用於雙眼皮位置, 眼尾再用最深色的 
SA差不多日日用呢盒palette, US$11左右, 經濟喔 
個包裝仲好靚tim

運費其實唔貴架 8磅既貨物都只係US$8, 仲要係DHL運件
網上都有不少iherb買物教學, search下就有喇
SA已經有第二回購物的, 係美國寄運回來中喇 嘻嘻