沉迷新玩意 - 十字繍

SA咪一向咩手作仔都會玩下

樣樣都試, 雖然唔係樣樣都做得精彩

呢排呢....就沉迷著比較花時間既小玩意

就係十字繍喇, 其實真係好花時間

但玩十字繍, 就好似做PUZZLE一樣, 慢慢圖案開始成型

都幾有趣架

SA如果可以整一D簡單既十字繍圖案, 加入布藝手作仔入面

效果應該唔錯呢 ^^

SA咪努力緊一張公仔既十字繍圖案

呢幾晚都繍到唔願睡, 希望可以快D完成

比大家睇下就好喇 ^^"

要努力 努力 ^^

綠茶牛軋糖

亞SA想整牛軋糖好耐架喇, 終於買好材料試做喇

做左綠茶果仁同原味, 比較甜少少可以再減甜

HAHA 唔夠硬身tim
......其實唔係要佢硬, 因為佢係一個軟身既牛軋糖
之不過唔可以雪得足夠切成型 tim > < 

嗯 吸收到少少經驗, 下次要再小心d整先

材料份量下回再介紹啦 ^^

簡易小公雞材料包

用少少篇幅講下SA既近況先 ^^

SA咪今日終於都開始學車喇
但今天預上了馬拉松, 過馬路都花多了時間
好在SA咪預早出門呢

上車後聽好了講解, 師傅開始開車教我喇
細心聽, 記好了, 到大球場就開始要學喇
第一課先學轉灣, 起初SA既表現都還可以 唔太心急
但出錯過後, 就真的膽怯了, 望望到後鏡有車就更心急
今天既總表現就 .... hm ....... 麻麻地啦
問問師傅是否很有問題 他表示係要慢慢熟習
嗯嗯 SA要比心機呀
希望下星期師傅會對我說 進步了就好喇

講番小公雞先 ^^

呢隻小公雞, 收到既同事都好鍾意, D朋友仔都好有興趣

其實係好簡單既手作黎既, 因為係一份材料包  一包$22

先將毛球放入大約40度既溫水, 將毛球濕透

然後再放入膠袋內, 充氣, 將毛球在袋內轉動大約8分鐘使其氈化

取出後若有毛頭便稍稍修剪, 之後在膠袋內輕壓一會
最後壓緊一點使多的水份壓出
最後用膠水將配件貼上
可以用牙簽幫助咁就會貼得更理想喇

SA最近多買一份係小老鼠呀, 有時間就快D開工整埋先 ^^

羊毛氈小公雞

SA早幾日買左包羊毛氈材料包

整左隻小公雞

好得意呀, 只需半小時左右已經完成喇

送左比同事做生日禮物 同事都好鍾意呀 ^^

之後就再買多一包老鼠仔, 過多兩天再整多先

材料包的確岩晒亞SA呢D懶惰鬼, 不過就貴少少咁啦 ^^

之後再介紹下點樣整啦 ^^

情人節特典 ~ 甜在心

情人節到喇

SA以前都會想, 情人節有花花收就好喇
一到情人節那天, 成日都會想 .... reception姐姐快打來叫我收花啦 hahahaha

有一年既情人節, 收到一個不知明來電
之後問我, SA請問妳公司地址在那裡呀 ?
我係什麼什麼花店一會送花來呀

Ooh ~ ~ 咩突然既驚喜都無啦 :(
哈哈 送花既又真係 ..... XD

人大左 ...... 又唔係好渴望呢d驚喜喇

應下節    SA刻意整左D蝴蝶酥, 因為佢似心型又甜 

咁仲唔係甜在心 ^^

祝情人節快樂 甜甜蜜蜜 ^^

豉油皇炒麵

SA既blog有個叫'開飯喇"既folder
真大吉 !!!  只有一個 post !
換而言之, Sasa係下廚方面既無咩經驗呢.....

唔緊要唔緊要 ! 希望兔年開始 比心機學多些
開多d鑊 !  工作上就唔好喇 haha

今日先試左Blogger wakanan 教既豉油皇炒麵

還可以嗎 ? 哈哈 ! 加上海鮮醬 ..... hm ......好味道
SA想可以做得少油乾身一點, 下次試下落少些油先 ^^

哎呀 唔識買餸對買幾多份量
$5既芽菜同$5既韮菜原來都幾多
今晚可以做埋晚餐了 :)

食譜教用大火 水份令到d油會幾彈
SA就當然要配合下, 彈開遠遠去 haha !

將來呢, 再由一些簡單既食譜 學多些下廚
咁就好喇 ^^

食譜分享
http://hk.myblog.yahoo.com/lavie-wakanan/article?mid=22832
謝謝 wakanan :)

兔年踏出第一步...終成 :)

SA咪踏入兔年既第一樣考驗

就係第一項考試

嘻嘻 SA咪筆試及格了

有人問我, 妳學車來做什麼喔 ????
......不能想像妳開車既樣子 (笑)
又笑言上車後只能見到我個頭 (太矮了!!! 哈)

SA咪心想, 學會了又沒有損失 就算沒有機會開車與否
都沒有問題呢 ........ 於是就報名了

就算只係筆試, SA都沒有輕率 盡力記好試題

未來兩個月就要真正上車學喇, 身邊既朋友都還比我緊張
可能我真係太"論盡"掛 hahaha !

我會比心機架 ^^
新年第一項少少挑戰....終成 !
要努力呢 :)

Bling Bling Kitty

新年假期就快過喇
SA咪多放兩天先開工 希望開工大吉啦 :)

早幾天有空, 再玩下閃粉公仔

做左Bling Bling Hello 米米 嘻嘻
呢對Hello Kitty 好似係麥當當換回來既

幫佢搽d gel 再上閃粉, 照照燈就ok喇

當SA拎番套用具出黎時, 心思思又想玩番gel甲

hm ...... hm ...... 買番d比較好既gel先再學過喇 :)

Homemade 蘿蔔糕

蘿蔔糕 蘿蔔糕

SA咪準備同家人一起食呢底份量十足既蘿蔔糕喇 ^^

呢個係劉師奶做既, 咪唔識整喔
主要係SA咪屋企無咁多材料 (麵粉 糖 朱古力粉就大把 HAHA)
而且好難可以做得好呢 ~

我試左煎了一PART, 好好味喔, 同埋粉糊既份量做得好好
一D都唔難煎

聽日呢 ~ 就可以煎比SA咪既家人吃喇

新年快樂呀 !!!!

財神到 !

大年初一, 祝身體健康 萬事如意

當然唔少得財源廣進啦 ^^

財神到 !!

BLING BLING 版財神

哈哈 ! 財神成個都係膠
不過SA咪將佢加上閃粉
咁成件衫, 頭飾揮春都變為閃亮亮喇 ^^
燈光之下搖下搖下 哈 ! 唔該財神爺幫我搖多D錢來啦 hehe

新年快樂 :)

步步高陞 (蔗糖版年糕付食譜)

相信好多blogger都忙著製作賀年糕點

SA都係呀 ^^ 今年呢 ~ 就只係整年糕

其實舊年都係整呢個版本

家人食過都話好香, 好味

所以今年依舊做番蔗糖版本

不過要記得在模具掃上足夠既油
如果唔係就會好sticky架喇

食譜如下

材料
糯米粉 600g / 太古金黃蔗糖 400g / 水 650ml / 油3湯匙

做法
1 先將水加熱放入蔗糖煮溶 放涼再加入油
2 糯米粉加入糖水慢慢拌至無粉粒
3 模具先掃上油, 再把粉糊倒入, 蒸約45mins - 60mins即成