波點紙巾盒 (付製作)

SA咪早前整既紙巾盒 其實唔難整既, 有興趣就試下玩下 ^^

一口氣做左兩個, 第二個捉緊了技巧 做得比較好

呢個係SA咪第一個做既

先準備布料, 面布同里布各一塊 長 42cm 闊 32cm

面布及里布中加上夾棉 如果沒有可燙既夾棉
在加上壓線時, 先在布上疏縫定好位置, 再車上壓線
(但用可燙夾棉比較好, 因為會貼些, 車壓線美觀一點)

然後做好包邊, 做好之後在布上分別在中間位置縫上四條布條
(因為相片未最清楚 記得係在里布上縫上, 唔係面布喔 ^^)

做好之後再將布(長度兩邊)縫好, 中間要留位置取紙巾
(有需要時, 拿一盒紙巾來對對位置)

縫好後就可以用喇, 放入紙巾盒後兩邊整理好並打上蝴蝶結即成

如果想好似圖中, 加上花邊作裝飾
那麼在縫布邊前, 先加上花邊 做好布邊後再手縫上啡色絲帶