卡通鋼印

一個已經有十年歷史既鋼印章

但別看輕佢bor, 做手作仔送比人加番個印章貼紙或咭仔

即刻有意思呢

用咭紙印出黎既效果 有SA咪既英文名

真名就唔講出來 lu, 就叫亞SA啦 :)

不過....大概都估到吧 XDD

鋼印既真身, 其實唔係好大個既, 長大約12cm 又易用

拆掉之後就係咁架喇

只要將咭紙放在中間, 用力夾一夾, 就可以喇

雖然呢個用具已經有十年, 不過其實市面有做印章既公司都訂做到

最近好多搞婚禮既新人都會訂做

有興趣的話, 上網唔難找到 市面而家大約百幾至二百蚊左右一個啦

快要送出既冬甩髮圈

嘻嘻 ! SA咪已經整左好多個冬甩喇

係時候要送出喇, 但都要扮下靚靚先送比人

加少少包裝 收到既同事會開心D ^^

今次準備為同一個部門既三位同事準備
無理由一個有 其他兩個沒有喔

所以呢 ~ 今晚努力包裝多兩份先 ^^
到時候再分享出來啦 ^^

最近有沒有發現SA咪少了整甜點呢?
因為極速發福中 變成脂肪暴發戶
一回到總寫字樓就體重不斷上升
忍忍忍忍 ! 要努力減磅喔

波點紙巾盒

SA咪屋企D紙巾盒, 肉酸都不得了

一係太窄, 一係就鬆泡泡的

成日都想做紙巾盒比自己

終於得左喇 ^^

GOOD FIT 呀 ! 哈哈 !

裝飾物隨自己喜愛加上便可

遲d再分享呢個東東既製作啦 ^^

為窗簾加點美

嘻嘻 ! SA咪越玩越大喇

Ooh ! 家居一角外泄 tim :) haha !

之前買既一塊綠色格仔布, 就係咁用架喇 ^^

原本既窗簾 (深圳貨色) ....... 係沒有縫上邊位

掛上來好普通 唔算太靚 所以呢幅窗簾已經唔再用

加工後就比較好看喇, 而且好易就完成 lu

SA咪將絲帶再加摺, 然後車縫在格仔布上

EASY ^^

因為窗簾布好大幅, 所以將格仔布縫上窗簾時先疏縫定位

咁就唔怕會唔對稱喇 ^^

如果屋企有D好沉悶既窗簾, 試下好似我咁, 整色整水啦 ^^

SA咪口碑曲奇

今個星期中有同事生日, 但呢幾日都會比較忙

所以就今日有空整左我既拿手曲奇送比同事

dept中大部份人都有份食 :)

今次都特別為自己dept既同事整左d, 佢地大多都未試過我既甜點

所以都係穩陣d, 整番朱古力軟曲奇同燕麥曲奇好喇 ^^

壽星女既包裝得好D先 ^^

燕麥曲奇中, 今次用左Dai Dai 上次係澳洲帶回來既 cranberries

整出黎既效果好好呀

朱古力軟曲奇水準依然 hahah ..... 真架 ^^

嗯~ 執好包包 準備一星期既開始喇 ^^

格仔麻布手挽袋

升呢 升呢 !!!

SA咪岩岩分享完新買既布料同書之後

已經急不及待跟書做個手袋喇

黑色格仔麻布手挽袋 仲有小雲壓花 ^^

背後既花款係有少少唔同架

不過其實SA咪仲未完成架, 因為個手挽好似細左少少

如果再買到個大少少既手抱再試下邊個會岩D先縫實佢先

好鍾意呀 ^^ 可以用黎 lunch去街街用 嘻嘻 ^^

101010 東門遊之收獲

講番SA咪之袓國遊既戰利品先

今次沒有再去廚安居 lu, 因為屋企已經有太多用具喇

SA咪既少少扮靚飾品, 腰帶唔錯唔錯

101010 ! 東門遊

10.10.2010 好日子 ~

好在我沒有人請SA咪飲 HAHA

於是咪就去左東門走一轉 嘻嘻 !

先講下咪之午餐先

因為今次主要買野, 所以沒有找什麼特別地方食野

只係去左便所, 貪佢唔迫人

雖然香港已試過, 其實都只係普通午餐一個吧

快D吃, 快D吃 ! 因為要趕快去入貨同睇書喔

至於買左D咩呢, 再慢慢講啦, 昨夜失眠喔 今晚要早D休息喇 ^^

朱古力蛋糕仔

上星期整完既簡易版蛋糕仔, 食過返尋味 !

今日又唔駛番工, 所以今日整純朱古力版本

而且想快D用晒包自發粉呢 ^^

Ooh ! Yummy Yummy :)

今次都係用上次既食譜, 只係再加上 2茶匙既無糖朱古力粉就ok喇

而今次想試少甜, 糖方面減至 45g, 一樣掂呀 ^^

下次要試 Blog友Kwan既香橙版本先得

冬甩髮圈

早前睇見Blog友小小寶介紹整既髮圈, 好靚呀

搞到SA咪都好想整 於是就整左呢個做我第一個 handmade 既髮圈

好開心呀, 而且好快就完成一個喇

之後仲停唔到手, 仲整左好多個唔同花款 下次一口氣再分享

多謝妳既介紹呀, 小小寶 :)

花邊蝴蝶結做法

上次咪整左既防水化妝袋

上面既花蝴蝶其實好容易整, 而且成個袋都靚晒

屋企人見到製成品都讚賞 :)

今次分享花蝴蝶既做法 ^^

首先準備心愛既棉花邊, 選用比較粗身既, 然後擺放像圖中一樣

用針線將中心位置縫起來

加上布包紐縫好收針, 咁就完成喇  好容易呢

親子朱古力&什果皮蛋糕仔(附食譜)

Ooh ~ SA咪好耐沒有出食譜喇

尋日收到嫂嫂送比我既蛋糕杯, 好得意呀

而且見包自發粉開左好耐未用晒

所以今日一出開壇作法 !! 整個好簡單既蛋糕仔

好短時間已經做好了,  仲好岩整比小朋友食架 ^^

靚唔靚呀 ? 都OK呀, 而且真係好好味道

好 ! 分享食譜&做法先

材料 :

自發粉 85g / 溫室牛油 55g / 砂糖 60g (想再少甜可再減, 原本食譜係85g)
中型size雞蛋 1隻 / 牛奶 3湯匙 / 朱古力粒或什果皮適量

做法
1. 預熱焗爐180度
2. 先把牛油與砂糖混合打發至creamy, 然後分次加入蛋&牛奶拌勻
3. 加入已過篩之自發粉拌勻

就係咁喇 !

4. 加入朱古力粒或什果皮

(SA咪貪心想一次試晒兩種口味 所以將份量分半加入)

5. 將材料放入蛋糕模中 約七成滿

我只有一個超小型muffin模 唔岩用, 於是想想有咩可以入爐 fix個型
諗諗下SA咪有好多蛋撻模既東西, 一於試下先

HAHA 鬼五馬綠 ! 無所謂啦, 最緊要用得著 ^^

6. 入爐焗大約15-20分鐘至金黃即成

圖中既就焗左大約16分鐘

以上既份量就可以整到咁多喇

看看內裡, 朱古力粒溶溶地, 蛋糕面係少少脆, 好味到不得了, 係真架 ^^

再看看什果皮, 都唔錯 :)

如果想整比小朋友做茶點係幾好, 因為製作時間短而且容易

試下啦 ^^

更上一層樓 ~ 化妝袋

嘻 ! 上次用左d布做化妝袋, 今次再選其他花布做

今次做得比上次更好, 而且d顏色好襯 好開心呀 :)

但原來SA咪真係唔太識上拉鍊, 往往都唔夠最好

要努力喔 !

呀 我記得有影低製作時既相, 後補啦 ^^


今日有朋友去台灣玩, SA咪大膽地叫朋友幫我去台灣入貨

主要係買防水布, 不過朋友係男生, 而且亦有自己既行程

咪都唔敢太大要求佢幫到我買

嘻, 不過佢好好呀, 又真係認真地問我怎樣去到目的地等等

起碼有心真係幫我, 呢下先係感動位吧 :)