餃子包包

新做既餃子袋 ~ ^^

嘻嘻 ! 好容易做 ^^

我們的心痛

23.8.2010 我們心痛了

可那可怕的一幕 怎教人不心痛

主懷安息  Rest in peace

玻璃曲奇

嘩 !! 咪好耐沒有出整野食post喇

正因下星期有位同事生日 我地會一起午餐
而我都會每次整少少野食送比令位同事

不過SA咪今次都係焗曲奇比佢地, 簡單D呢

今次都係焗番玻璃曲奇, 不過同事係未試過既

整玻璃曲奇, 主要比較花時間係印模上, 今次焗出來 有D都有泡泡

心心呢個比較薄, 所以好比梅花型那個金黃D

整左好多個不同形狀, 但比較偏愛梅花型多些

就係咁喇

FOX糖果, 但沒有綠色既 .... > <

2010 July 東京之旅 (Day 5) - Tokyo Disneyland

第五天喇 27.7.2010 Tokyo Disneyland

到第五天, SA咪依然仲未覺得累, 是日整天既行程就係東京滴滴尼喇

玩遊樂場當然興奮啦 雖然已去過兩次
但那位stupid partner都仲未去過東京呢個 咁就玩番"land" 唔玩"sea"吧

依然係坐千葉線 到達舞濱站已經係差不多十點喇

舞濱站一出就跟著人群行喇

之後係大門口留影, 就玩喇
大門口張張都有SA咪個樣, 仲要高舉 "V"手勢個D老套野呢
所以唔post喇 haha

一進場後就同小朋友爭 同卡通人物影相 XDD

好大好大既市集 ~ 留待臨走先再慢慢行

美眉 美眉 跳緊....咩...... Aloha (唔識點寫, 總之個d舞蹈啦 ^^)

Space Mountain, 巴斯光年等等, 有d game已在香港玩過, 咁不如玩d未玩過既
怪獸公司呢個好好玩呀, 雖然有d似巴斯個個
當然唔止玩呢個啦, 仲有玩下幽靈公館, Peter Pan, 白雪公主個d等等

四處行, 四處玩 ~ 我最愛 "UP"既大叔呀 ! I LOVE U !

玩左一陣, 肚餓喇, 醫肚先, 要爭取時間玩, 食簡單快餐
買左個Pizza set 好似大約 2500yen

玩多一陣.....再食 !!!!
因為天氣太熱喇, 所以順便買埋飲品坐下休息, 好得意既甜品
睇見都覺好甜 lei......

玩下 影下, 咁就好快天黑喇

雖然腳仔已經開始唔聽話, 但SA咪仲未玩晒呀, 我唔肯走呀 &gt; &lt; !!!!!!

Peter Pan's Flight, 入面好靚呀 ! 玩到我....嘩嘩嘩 !
嘩嘩嘩........ (好嘈 !!) 去玩 當然要盡情d啦 !

唔知點解 城堡係一定要影架 XD

賴地唔肯走既我, 最後玩到十點為止 嘻嘻 睇埋show先走

睇完show就係市集買dd手信 就要走lu
當初好擔心一定好多人同時離開 但都唔算迫喔

好欣賞日本人既文化, 佢地排隊好自律
唔會打尖 亦唔會迫埋一起
所以就算好多人排隊玩, 都唔覺辛苦

點解係香港排隊, 總係要迫呀迫, 迫呀迫 ?
因為唔迫既話......就被一些人插隊了 :(
那些人 ?!?!?? 我唔知呀 hahahaha !

回到新宿, 已經晚了, 而且......好累喇
所以只係食左一餐超簡單既吉野家 就回酒店休息喇

快到東京之旅既尾聲喇, 但原來SA咪有好多野都未買
所以要cut某些觀光行程, 係第六/七天全shopping啦

.......再續 ^^

咪之第二口金

成日笑我只懂買 !!!  我真係買左會整架 嘻嘻

雖然呢陣子SA咪比較忙一些 , 一有少少空檔就可以整下手作呢

跟著"KELLY的口金包" 整左呢款口金

今次先用左淘寶回來既布同埋台灣布 質地黎講就真係台灣買既比較取勝 :)

嘻嘻 ~ 勉勉強強合格啦 ^^

想襯得D顏色靚D既話, 真係要買多D唔同顏色既布先得架 ! (藉口 !!!!!!!!)

別再笑我只懂買喔 XDDD

點解咪最近仲未開爐 ?!? 因為屋企無晒材料呢

忙多一排, 就再向麵包努力 ^^

2010 July 東京之旅 - 日暮里布街

字體尋日同SA咪姐姐笑說在日本買了好多靚布, 她也忍不住要大叫我好停手
唔準再買 HAHAHA ! 尋日已經動工整個口金包啦 ~ 就快完成喇 ^^

就跟大家回味下, 日本購物回來既手工品

日暮里 ~

見網上有介紹日本呢條布街, 日本布出名靚, 怎能錯過呢 ^^

日暮里站比較少人到吧, 但都有好多人前往布街

鍾意玩布藝既, 呢度真係可以行起碼三個鐘呢
慢慢睇就預半天吧 ^^

因為SA咪只掛住買, 沒有影相, 呢D都只係video係電視再影出來 :(

布碎, 100yen一卷, 有好多花款

夾棉既布, 做小朋友袋就岩晒喇

分享下買布既戰利品啦

好多都好得意架

呢幾pack棉麻係非常抵 !

防水布 ~ 好鐘意, 但買左往往都唔捨得用 hehehe
其實呢d布都唔係只在日暮里買架, 有d係涉谷買既, 50yen係布碎都有得賣架 !

2010 July 東京之旅 (Day 4 Part 2) - Mother Farm 母親牧場

係山下玩左咁耐 ~ 不如食個雪糕試下係咪咁好味先 ^^

當然係試下藍莓味啦, 由於時間唔太夠, 所以未能玩"撿"藍莓
唔緊要啦 ~ 食下雪糕補數吧

之後就在山下既商店買禮品

山下個間, 比山上入口個間係大D既

好靚呀 !

動物毛公仔 ~ 幾吸引

其他牧場既精品, 都只係Mother Farm先有
鍾意就快d入手喇

包裝十分吸引, 當然要買些啦

買左一大堆手信之後, 就去坐遊覽車, 係園內行一個圈, 上番山上
因為要去看剪羊毛show喇 羊毛show之前仲有個活動晒冷show

d羊咩超"為食"狂吃 ! 吃飽就坐晒係度 哈 !

現場睇剪羊毛, 好快手就剪晒喇 ~
睇完show之後 就差不多四點喇 ~ 要坐shuttle離開了
真係仲好想留低繼續玩呀 !

16:00 迎送巴士已經等緊喇 ~ 唔捨得走囉........

回程時既見既屋, 好似卡通片叮噹個d呢 ^^
到達君津之後就坐番內房線回蘇我走喇
不過唔番東京住 因為依然好好精力 呵呵
....先去海濱幕張行下outlet, 同埋食晚餐
成日係牧場都沒有食餐正經野呀 &gt; &lt;

坐京葉線到左海濱幕張, 不過已經六點喇, 所以要爭取時間行下outlet
先租用locker咩都放低, 只帶個傻瓜機跟身

貨品價錢未係好吸引, 只係幫屋企人買左幾件Levi's tee
Agnes b既野, 新宿d款仲靚d, Nike亦沒有太大驚喜喔
好似橫濱個outlet比較上好行d
....... 個肚餓到不得了, 要醫肚喇

去左呢間食麵, card片亞叔隻手......搞咩呀 haha

都幾好味架, 個餃子真係好好味, 而且價錢好平,
每人加100yen就可以飲品任飲

食飽飽之後 就行一陣Messe Amuse Mall, 主要係玩下game, 夾夾公仔
之後就乖乖回東京喇 ^^
第四天既行程, 係最好玩同最開心呢 ^^

稍後呢 SA咪會再進一步講下去牧場多一些詳細資料

..........第五天 (再續 ^^)