超級A貨 - 金錢餅

澳門潘榮記金錢餅 ~ 好多人都食過喇

真係幾好食架 ~ 甜度岩岩好, 一次可以食好多塊

烤起熱烘烘地送上 ~ 真係回味 :)

SA咪又要試下自己整 !! 之不過 ...........

HAHA 笑死人 ! 自己諗食譜試下夾

都唔係唔work ga 但係就太過甜 !

厚度係做到的, 而且仲有少少脆身, 都結實的

但SA咪覺得蛋黃既份量多左些, 糖.....又多左些

係夾既時候就估到那裡既份量錯左

嘻 ! 要再試呀 !

....... 都係睇下真真正正既金錢餅吧 !

看 ! 真正既潘榮記烤出來係幾咁靚 !

又薄又結實的, 但係...脆架 ! 呢度既份量係HK10

SA咪一口氣已經可以食六七塊了

好味呀 !!!!!!!!

SA咪要再試自己整 !!!!!!! 努力 !

東門戰利品篇 (二)

嘻嘻 ~ 次次上東門, 又點會唔去下廚安居睇下買D咩呢

其實 ..... 次次都係差不多既東西, 但次次都要走一趙 哈 !

小貝殼模 好似大約人民幣2.5一個啦

布甸 / JELLY MOULD ~ 好鐘意個形狀呀 ^^

朱古力鏟同攬拌棒 ..... hm..... 朱古力鏟係諗住用黎煎PANCAKE用既

不過最近用黎整蛋卷仲方便呀 !

又買HELLO KITTY同花花模 ! 因為真係好鍾意 HELLO KITTY :)

係九蚊店買既儲物盒
真的密封 MA ? 我估未必呢 哈哈
不過見佢好大個 可以放好多野
信心問題 .... 唔會用黎直接放食物, 只會放包好左既材料好了

好野, 聽日有時間玩下整野食喇 ~~~~ 整咩好呢 ?!???

自家製蛋卷 (附食譜及製作過程)

蛋卷呀蛋卷, 好玩呀 :)

不過熱到手指都紅晒呢

好啦 就分享下製作過程先啦

蛋卷三寶 ~ PAN PAN, 棒棒, 同埋朱古力鏟 (呀....係 bor, 未寫番上次東門買既廚具tim !)

材料如上圖, 簡單呢 !

材料混合好既蛋糊, 如上

經過雪櫃雪半個鐘既蛋糊

放入蛋糊, 唔好太多喔 !

扁晒 !!!!  準備卷喇 ^^ 用朱古力鏟幫忙 嘻 ! 新手當然用個大些既鏟 !

哎呀 SA咪隻手出埋鏡 tim ^^"  枱面好多蛋碎呀 !
收拾殘局都有排搞 > <
初初一兩條比較難卷, 慢慢就得喇 ^^

食譜

材料
無鹽牛油 75g / 砂糖 120g / 蛋 3隻 / 低粉 82g

作法
1 先將牛油放軟, 加入砂糖打發至混合
2 再分次加入蛋, 拌至均勻
3 篩入低粉, 然後將蛋糊包上保鮮紙放入雪櫃雪半小時
4 準備將模具以大火加熱, 塗上油並轉至小火,
5 加入半匙蛋糊, 烤大約10秒後反轉模子再烤
5 打開模子趁熱卷起並放在架上待涼即成

食譜來源 : Lyric loves (好正架, 仲有video分享作法 謝謝分享)
http://hk.myblog.yahoo.com/jw!ZIViVuCfFRjbBax1g4KOTz_5/article?mid=7158

自家製蛋卷

嘻嘻 ~ 尋日在家等既新玩具送回來

就係蛋卷模喇 ^^  心思思想買左一段時間架喇 ~

買左就急不及待試下碌下蛋卷先 :)

OK ma ?  其實都唔太難既 ^^

初初幾件卷得好肉酸, 之後就容易掌握到喇

食譜同製作過程後加啦 ^^" 好眼瞓喔, 來個小睡先 XD

海棉蛋糕

唉 ~ 正所謂 "欲速則不達" (係咪咁寫呢 ?!? 嘻)

最近SA咪又頻頻失手 有時候放工回來想整下蛋糕

但往往可能太心急, 就 ....... 衰左 :(

今次要重投基本步 整番個海棉蛋糕先 ^^

Haha 點解成日都扁扁架呢 ? 其實因為 SA咪成日落太多粉糊入模

升到過晒籠 .... 唉呀, 今次沒有baking powder 架.....又驚一餐 > <

無膽鬼 !!

Dai Dai 新買比我既心心模, 試左喇 ^^ 好好用呀

另外一個小小蛋糕模 ~ yeah ! ok ar !

嗯嗯 ~ 都唔錯啦 ~ 仲好香 tim ^^"

食譜後補先, 因為 ......我等待緊我既新玩具送來家呢 haha !

來自悉尼既窩心禮物 (一)

究竟悉尼包包入面有D咩 就係呢D喇 :)

來自悉尼既窩心禮物

wow wow !  呢個Bag係咪之Dai Dai 為我地家人預備既小禮物

想唔想知入面有d咩呢 ^^   它來自悉尼 ^^

不過SA咪呢兩天實在好累喇 ~ 又捱了一晚既 emergency call

今早再捱大塞車 :(

呢兩天未有時間慢慢寫 BLOG 要休息下呢

下回來分享下 ~ 入面既小禮物

ps....它不是冷氣被 ! hahaha !

自學糖花裝飾

今晚咪心血來潮, 拎套 color icing 出黎玩下

想學下整糖花裝飾 ~ 嘻 第一次試玩咋 見笑喇 !

咁就試下整玫瑰花啦

都還可以吧 好似細個玩泥膠一樣

看看第一朵肥 do do 既黃玫瑰啦 哈 ! 好肥呀

慢慢開始可以掌握到, 只要有不沾布幫幫忙, 就容易壓出薄薄既花瓣喇

從未學過呢門藝術既咪, idea係來自水晶甲上既花花裝飾吧

如果加在cupcake上 應該都會幾靚

...... hm ..... 都係上網睇多d別人既作品 再參考下先 ^^"

榴槤大菜糕 (付食譜)

飄來榴槤香 哈哈哈 !

SA超愛吃榴槤

加可樂是絕配 HAHA

一個人吃一個榴槤 .... 有點過份吧 !

好在尋日家姐到訪 食左 1/3 ^^ 剩餘既一少 part

就用來做 "咪記榴槤大菜糕" !!

一樣係好香好香 !!! 

真係滿足喇 ^^

食譜 (參考大菜糕製作)

材料
大菜絲 10g / 水 2杯 / 砂糖 35-40g / 榴槤肉 3-4粒

作法
1 先將大菜絲洗淨 剪碎放入水中等待軟化

2 水煲滚後加入砂糖及大菜絲煮溶

3 收火, 將榴槤肉攪成蓉 慢慢放入大菜水拌勻

4 倒入模具待涼後放入雪櫃即成

(因為榴槤本身已有甜味, 原本既大菜糕既糖份量為50g
SA咪就自行將糖份稍作收改 若怕太甜可以再減)

食譜分享 : SA咪自己 ! hehe

東門戰利品篇 (一)

嘻 ~ 上回講過"小C9"尋歡之旅

真係買左好多野回來

哈哈 ~ 平時咪POST 整野食多, 好少會POST D 自己野

hm......一次咁多啦

白色 skirt, 襯四角骨褲加高踭鞋 ~ OK ^^

背心裙加外套仔 ~ OK !

又來背心裙, 又係加外套仔 ! OK XDD

哈 ! 10蚊有3對既耳環

SA咪唔會敏感, 所以都沒有問題 ~ 好抵買 :)

婆仔鞋 ! 哈哈哈 ~ 因為SA咪份工成日要走來走去

唔可以成日著高踭鞋, 婆仔鞋GOOD !

又係"小C9婆仔鞋" 幾舒服同埋著上都唔係太婆仔 FEEL 既 ^^"

買呢對鞋十分有趣, sales爭2蚊雞不肯減價

之後比咪丙佢, 笑說連試都未比試, 唔岩既話幾多$都無用啦 !!

當然SA咪最後都殺價成功呢 哈哈

不是$2蚊既問題喔, 北上購物 .... 就係咁架喇 !

其實買既唔止咁少, 仲有些簡單既衫褲都係好平

不過唔太特別 ... 唔發放 lu !

ps : 其實咪唔係"C9" haha

下回 ..... 烘焙/家品篇 ^^

深圳尋歡 XD

咪尋日再次北上尋歡 哈哈 !

平日既東門 真係行得舒服好多

唔迫人, 而且買野殺價都比較容易

咪久不久都會做下D "C9" 活動 HAHA !

上去拆拆骨, 買下烘焙用具, 四處行下

就過了一個下午 有左地鐵始終安全一點

不過路上都要小心包包 ^^" 唔可以掉以輕心

因為咪試過比人跟得好貼, 都好驚架 :(

想知道SA咪怎樣做個假日"C9", 買左D咩 ?

稍後先補上 :)

日式海綿蛋糕

咪呢個星期工作上好忙, 亦都承受著不少壓力

常常跟自己說 : 放棄吧

但咪會依然努力 ~ 唔會輕易放棄既 ^^

最近試左呢個日式海綿蛋糕

哈 哈哈

點解比SA咪切到一粒粒架

唉.....衰心急, 出爐將倒扣一會就立即脫模

變晒型, 收晒腰喔 !!

如果SA咪條腰可以咁樣就收到就好啦 HAHAHA !

但係好軟熟, 好好味 ^^

今次用上北海道牛奶 ^^

咪會試整多次 ! 下次靚仔D就分享食譜

....... 粒粒蛋糕 ..... 笑死人喇

Avatar

James Cameron 籌備多年既大作

起初見d"籃泡泡"真係唔太有興趣

叫好又叫座 咁就不妨去戲院睇睇吧 :)

........ 好睇呀 !

不過出碟亦要乖乖比$買套回來再次欣賞

仲有POSTCARD送, 不過都係得個睇字 ^^

但個player唔生性, 要更新左部機先睇到

電腦特技效果真係好勁喔 !

蜂蜜蛋糕

嘻嘻 ~ 今次做既蜂蜜蛋糕比較好D喇

網上有好多BLOGGER做得非常出色

但SA咪好懶, 只會盡量找一些比較簡易既食譜來試

哈 ! 結果食譜上既份量失實呀 !!!!! 搞到SA咪既蛋糕唔夠麵糊 哈哈 !

整左件"亞扁"出來 HA !

目標係可以整到方方地, 因為麵糊唔夠所以做唔出效果來

但係呢........個質感看來好似好實咁....味道反而幾好呀

而今次蜂蜜就沒有沉底既情況

究竟怎樣先可以做到個無咁實架 ?!?

不過蜂蜜蛋糕真係好難整就真 !!!! (自我安慰 ing ! 哈哈 !)

難道....我隻蜜糖唔好用?!? (仲諗 ?!?!??? 哈哈哈 !)

蜂蜜蛋白蛋糕

好想學整蜂蜜蛋糕喔

SA咪買左支蜜糖, 不過...hm.....好甜喔

要比D心機研究下先 ^^

Wilton Icing Colors

好開心呀, 終於為Dai Dai 買到 Wilton 既 Icing Colors 喇

因為Dai Dai 既朋友去澳洲玩, 所以又入d貨比朋友帶去澳洲

City Super已經無貨了, 唯有盡辦法買啦 終於都比我搵到 :)

細細盒有12 colors 做出黎既效果應該唔錯 價錢亦都合理

Dai Dai 做既cupcake比我出色好多, 所以....要用隻靚d既用品 ^^

SA咪永遠都唔執輸, 自己都買一set (玩具唔怕多 哈!)

係時候 .....我地又要比試一下喇 hahahahaha !

當然仲有好多好多Wilton既貨品都十分吸引

今次要朋友帶到澳洲 .... 其實仲有好多其他烘焙物品

但最後有些都沒有叫朋友帶, 有點唔好意思 ^^"
不過要比少少驚喜Dai Dai, 唔post晒出黎喇 嘻嘻 ~

集體回憶 - 雞蛋餅

記得小時候吃過的雞蛋餅嗎 ?

脆脆甜甜的, 看見網上既食譜介紹

簡單而且好快可以完成, 就心郁郁試下先  

OK嗎? 來看看佢既大頭吧

總算可以呢 ^^" 但未能夠做到邊位薄一點

可能係打發蛋時時間耐左D

=====================================================

材料

雞蛋1隻(約65克)  細砂糖55克   低筋粉60克  粟粉12克

作法

1 雞蛋打發分3次加入糖，打至發起糖溶

2 篩入低粉和粟粉，輕手拌勻

3 預熱焗爐200度，蛋糊唧成圓形，焗約7分鐘至金黃色

=====================================================

因為SA咪既焗爐火力大, 所以200度就OK了

但砂糖既份量個人認為可以再減了些, 因為好甜喔

想可以吃多一點 ..... 下次試下再減至40克 



食譜來源 : 翠兒 (謝謝分享 ^^)

什果杏仁豆腐

今天又係SA咪既family gathering 日子

首先 當然係焗一大堆曲奇出來, 一邊玩又一邊狂吃

之後一定要佢地拎走晒d曲奇

因為咪最近增磅已經達標 ...... 唔可以再增肥喇, 要叫停了 :(

尋日咪整左什果杏仁豆腐比屋企人做甜點

點知.............原來佢地好幾個都話唔太鍾意杏仁

只有亞嫂同媽咪鍾意 不過佢地都幫我掃晒 嘻嘻

仲要求下次整芒果既甜品好d

嗯嗯 ~ 下次整芒果撈河

.....夏天喇 ~ 要學d清涼d既 :)

食譜遲d打 .... 要執定聽日個包包番工喔 ^^"

又一個假期既完畢 lu.....

抺茶紅豆包

SA咪成日都想學整包

但....始終都未試過整到出色既包包

今次跟著台灣烘焙書試整一個抺茶紅豆包包

Ooh ~ 包包未算軟身, 而且有點兒乾 (有D似石頭 哈哈)

不過有紅豆餡都還可以既

下次再等星期天先夠時間慢慢做 ^^"