SA已經開工喇, 初四那天未集中到工作
但到初五已經可以全面投入
星期一要更努力 yeah !
新一年新開始
SA有個希望, 希望可以多下廚
好奇怪, SA對下廚係比較弱一點 每次做晚餐 都差不多要兩個鐘
有時候開OT, 或開夜會
要回家煮一餐實在太難喇
但SA公子, 係好喜歡吃到住家飯
每次提出不如煮一餐 他一定say yes ! haha 當然啦, 又唔駛佢煮 :)
好啦, 要努力改善下我既廚藝了 ..... 但其實SA做的, 只是非常非常簡單既菜色
昨晚既菜式, 第一味, 咖哩薯仔牛, 用日本咖哩汁
不過d牛咁樣整係好"so", 唔夾 ! 但公子話好味
第二味, 蒜香蜜汁雞翼, 嘻嘻 又係懶惰的用買回來的source
好甜, 不過公子又話好味 !
......... 無它 想係我多下廚吧 XD
第三味, 罐頭 ! 唔影喇 hehe
最後, 就係蛋花腐竹糖水
呢個最好味 !!!!
唔通, SA都真係只識做甜點 ??? 哈哈
不過新年係唔可以落白果, 無得食 ^^"
總算都不過不失呢
大年初一, 先同大家拜過年
祝龍年行大運, 身體健康 幸福滿載
刻意做一個金光閃閃甲黎迎新年
金色既閃粉, 再加少少豹紋貼紙
相信大家都忙於過年既準備
哈 ! SA反而今天偷懶, 什麼也不做, 而選擇輕輕鬆鬆
嘻嘻 到最後先努力啦 wakaka !
但都做左對大吉黎做小裝飾
去到手工藝店, 見有個材料包幾得意, 於是買回家玩下
好簡單既材料
先將材料剪開, 比例是 6:4
將長的那一條包上綠色膠紙
將短的套在手上, 再把長的那條套進內
然後一拼向上卷, 好似平時卷襪子一樣, 期間久不久"fing"下佢, 可以實一點
最後加上葉子, 完成
好好玩架, 好快就可以完成一個
送比同事放係公司都幾得意 ^^
好喇, 今天懶惰左一天
明天真係要努力喇 ^^
大吉 !!
新一年, 開心事一件接一件
SA今早起床時, 感覺好溫暖
SA超級好掛念的他, 終於和我夢中見喇
那種真實感, 真係感覺好好
很有趣的是, 和他道別既時候
SA細心叮囑萬事要小心 別亂過馬路
他好乖地應允 親親同抱抱不可少 wakaka!
夢醒既時候, 很溫馨
my dear papa !!!! 多d同我夢中見啦
而且, 次次都係好開心既 ^^
仲有一件開心事
SA剛中了抽獎遊戲, 得到一份小禮物
好快就可以去領獎了
好運的, 不要停喔 !!!!! ^^
SA終於完成好呢條圈型頸巾喇 快看看 ^^
有發覺呢兩年好流行圈型頸巾嗎 ?
但平的都總要數十元一條
SA買過的, 太大了, 圈起來就像一個大頸環 ..... 仲要係白色 !! haha
於是自己鉤好一條比較細少的
非常岩新年戴呀
覺得如何呢 ^^
"紅"運請繼續來 嘻嘻嘻 大家都一樣啦 :)
天氣非常凍, 今年既冬天就像預測一樣, 比較冷
要多點保暖喔, 亦要好好照顧老人家呀
SA家裡有好多保暖用品 襪子暖袋 唔駛怕凍 ^^
今天有件暖入心既事, SA今天收到加人工信喇
而且 仲非常滿意 加薪既%比心目中多了
其實係而家既環境 已經很心足了
總算係工作上既努力 得到點認同呢 嘻
2012, 繼續努力 !
SA最近嘗試鉤了一條日牢小領巾
花款只是隨心想出來的
只是小嘗試 比例上不太原美
但我愛呢個手作, 因為都幾快可以完成
而家就努力緊另一條鮮紅色頸巾, 希望可以新年前完成啦 ^^
2012年新開始喇
1.1.2012 先買份禮物給自己 ^^
滴滴尼大冒險 !
hehe 被滴滴尼主題吸引了 一於伸展下筋骨
進入童話世界
昨夜已經好想玩, 但SA公子說先睡一會再起身玩
誰不知, 一等再等.......睡天光, 曾細細聲叫起床, 失敗 :(
今晚應承左同我玩架, 我等 ^^ 待他工作完畢, 我等 !
hehehe :)
今天係2011最後一天喇
預祝各位新年快樂 甜甜蜜蜜
記著要活得開心呀
回望2011年 都算係快樂既一年
工作上有多繁忙 但總算平平安安
當中有些令人不快既事情
那人, 請遠之
突然間又想講一個小故事 (故事SA又來了 haha)
昨天跟SA公子出外玩
在等交通工具既時候
聽見後面既女仔鬧她男友
"你真蠢, 你先早到了為何不先排隊, 現在有排等了" .... (黑面的)
(以上字句比SA美化了, 她並不是說你真蠢, 而是兩個字的, 想想便知的 hehe)
SA無言, 第一, 言詞太過份了
另外, 開開心心地去玩, 又何苦要將氣氛緊張化, 強行令對方難過
(最可憐了給外人聽見)
是否香港人真係生活迫人, 什麼都在急著
SA和公子對望, 暗笑
我們都會鬧交, 冷戰, "鬥咀", 互不相讓
但記著, 別講過份說話, 嘗試包容
每件事既結果快樂與否, 自己製造出來的
講完 ! hehehe 來看看禮物最終回 (家人篇)
以上呢, 就係家姐送既禮物 好多朱古力呀
可愛到不得了既熊啤啤朱古力, 唔捨得拆呀
另外既一排朱古力, SA試了, 好得意架, 甜中有些咸的, 從未試過
朱古力Brandy ! 內裡有兩杯, 家姐說加熱黎飲的
但SA會留待下一次家庭聚會時一起飲 ^^
最後一份, 其實係最早收到的一份
係公子送的銀包
很喜歡呀, 但SA唔收品牌禮物, 一樣會開心的
下次...不如送另外的品牌給我啦, SCB, HSBC的, 我更開心呀
哈哈哈 !!!!! 好衰tim ^^"
好喇, 要準備一下今晚的節目喇
去睡一睡, 再出動 !
祝新年快樂 !!!!!!!!
