SA今個星期"短週" 太好喇
別看輕那半天假期, 感覺上爭好遠呢 嘻嘻
SA在星期六一口氣共縫了五個手機套, 諗住送比同事們
預先剪裁好布料, 準備好就一次過車縫, 咁會比較快完成
mass production 喔 ! 哈哈
呢個手機套沒有特別縫上扭扣
因為每當手機響時, 肯定是忙亂地係手袋找找找
再要解扭扣 我怕會 miss call 了
所以便只簡單做個保護套便好喇
SA既手作仔, 同事朋友都會欣賞
還想SA開小班教學 多謝賞識喔
好 ! 等SA稍後準備一下教學材料包包 ^^
Yahoo Blog升級, Blog友仔們 你地ready未呀 ?
有d blog友已經升級了
但SA真係比較喜歡而家BLOG既版面
什麼是關注呢 ? 好似微博咁 ?
...... 好多問題唔明 tim ^^"
上次曾介紹過少年宮購書樂, 其實少年宮書城內既餐廳都唔錯架
平時北上玩, SA喜歡先到東門走走, 最後一站都到書城看書
已經肚餓既時候, 都係先到少年宮找食
因為那邊比較清靜, 可以舒服一點
SA去到既時候, 仲係下午茶時段
所以好抵食呀
SA幫襯一間叫朗味既西餐廳
或者係平日既關係, 所以好少人
叫左個三文冶SET, 都幾好味
SA既公子就叫左個咖哩意粉
估不到係好好味道, 汁係好香既咖哩
結果給我強行瓜分了半碟 嘻
再來一個煙三文魚, 賣相很好呀 而且都係SA喜歡既
看MENU時心想最後加一件咖啡 MOUSSE
但已經飽了, $10真係好抵吃 好想試 嘻
就係呢間喇, 想 relax地吃一個簡單亦抵食既下午茶
可以一試呀 ^^
上次上去玩, 又買左少少閃石貼紙回來
用來裝飾下d小手作
雖然不是非常閃, 但加係d deco cream成品都幾好
盛惠 $2 一排 hahaha ! 抵玩抵玩
SA每次同"SA既公子"北上又好, 去那裡玩都好
都會盡情地享受假期
因為能夠一起不用上班既日子 實在得來不易
還跟他笑言, 可以一起放假, 就好像奢侈品般
所以每次都一定盡興 很少在假期時爭吵 哈 !
就算他不愛看書, 都定必每次帶SA去
其實已經好幸福了 :)
假期過去, 再期待 再期待 ^^
天氣實在太熱喇
工作完畢後都係躲在家好d
SA完成左一個想做好耐既水晶球
終於買到材料喇
嘻嘻 整左個濱崎步公仔水晶球
SA好鍾意Ayu
呢個Ayupan係SA 2006年第一次去日本睇concert買既 500yen 小figure公仔
好鍾意架, 將公仔放入水晶球底部 stick好
將波波放入閃粉, 加入水, 然後關好, 就得架喇
公仔唔需要太大架, 因為係水中反映出來比原本比例大差不多近一倍喔
呢款DIY禮物用來tum女朋友一流啦, hahaha !
準備為farewell SA可愛既 team member
SA細心地想想有什麼佢地一見就開心既小手作
其中一份, 係一個杯子雪糕 DECO CREAM
SA既靚靚同事收到時都好開心
其他女同事都紛紛八卦一下
仲笑言我應該將手作仔拿去賣
還立即替我想出方法去sell 我的手作產品
呵, 比我還要興奮多倍 好好笑呢
如果我既手作真係進步多d, 就諗下呢個小生意吧 嘻嘻
其實呢個只係一個小擺設 可以放係辦公卓上
悶悶地望下都幾好呀, 那些 m&m好可愛呀
SA下次再整要寫埋個m字上去先 :)
記住帶到新辦公室喔 ^^
SA太耐沒有整甜品喇 !
今次係為同事FAREWELL, 其實同事想吃桂花糕既
不過上次整過, 不如試整芒果布甸啦 ^^
用左呢個盒岩岩裝到九個一盒, 慳番好多位
而且公司既雪櫃永遠都 full 晒 lunch box
聽日都要早d回公司霸個靚位先 嘻嘻
為左香d, 買左呂宋芒, 成$12一個......貴喔 !
一切準備好了, 開始 ! go !
先把芒果 jelly 開好之後待涼再加入其他份量材料及芒果粒粒
用焗爐tray一併放入雪櫃, 咁就得左喇 ^^
SA仲準備了兩份手作送比兩位同事做 farewell 禮物, 佢地一定鍾意姐 ^^
失蹤人口亞SA回來報到 !
忙什麼 ? 忙吃 忙玩 忙工作
不過樂在其中 嘻嘻
SA上次曾說過北上狂買手工書既 睇睇呀 ^^
今次亦沒有買烘焙書, 因為家中既都足夠睇喇
但手工書既圖晝實在太吸引, 而且有教學, SA什麼都想學呀
一口氣買了六本都只是RMB140左右, 好抵買
呢本係鉤針毛線小物, D公仔好得意, 不過SA未識鉤公仔....都買左先 XD
半天的魔法, 都係鉤物篇 可愛到不得了, SA將會叫家姐整比我 呵呵
編織幸福的暖暖小物, 又教鉤同編織 PATTERN
如果有人肯為我準備就好了 ^^ 我怕凍喔 哈哈
橡皮章休閒時光, SA又開始玩橡皮章喇, 而且已經完成了兩個喇
遲D有得睇
奶油黏土教學, 簡單亦美, SA又學識了整雪糕球喇 hehe
最後一本喇, 係襪子娃娃書 有很多不同造型
咁多不同玩法既手工書, 呢次有排玩喇
快D快D到周末就好喇, 快D快D啦 ^0^
下次介紹書城中心既下午茶餐啦 :)
可能有些BLOG友們都有興趣知道怎樣製作SA既第一隻襪子公仔
好, 來分享啦
首先準備好兩隻淨色襪子
先做獅子面部
把公仔棉花放入襪子, 再把多了的襪布剪去然後收口
然後再將深啡色襪在中間剪開, 縫成一條長條, 再將棉花放入
用手幫助成圓型後, 再用線緊緊每粒縫起來
收口方法如圖
把深啡色部份縫上
再把其他配件用大頭針幫忙定位, 再縫上
其他位置若縫得不夠美觀時再慢慢修補便可
好簡單呢 ^^ 鍾意嗎 ?
還記得SA四月時考車牌失敗了嗎 ?
朋友們都鼓勵 再接再厲
SA於是在五月再報考, 終於考期於八月的第一天早上
時間非常理想, 因為係暑假時候 街上車輛比較少, 而且在早上更佳
再接受老師教導practice, 老師都說我在考試路段上已經可以成熟操控了
帶著九成信心 常常跟自己說, 考試時間非常理想, 別要錯過喔
SA的"他"一早便帶我出外準備, 調整好心理後... GOGOGO !
最後..... 我考到了 ^^
當我駛回試場後, 第一個是見到是老師
老師嚷我快點回考場內等消息
原來他已經在場外躲起來等
事前我著他在其他地方等, 別給我壓力呢
邊等, 邊擔心, 別要等太久喔 !!!!
等得太久fail機率便越大, 老師曾說過原因
在reception前看到結果, 細細聲跟reception姐姐說...ooh Thank u !
她亦跟我微笑, 看見她也同我一起分享快樂
咪咪咀走出考場準備第一時間給老師知道結果
SA的"他"第一個走前, 笑了 :)
那時候真的很驚喜 捉著他不停的搖 ! haha
亦立即找老師大聲說多謝他的教導 繼續捉著老師的手臂搖 ! 呵
別管其他人的目光 老師都好開心, 學生最後都成功考到了
日後還要繼續學習 因為路上交通實在有太多東西要留意
現在只是一個開始
SA會繼續努力 YEAH !
考試完結, 當然要興祝一下
他知道我愛看手工書, 提議跟我北上書城買書
順便....DUP骨 哈哈哈 !
SA今次一口氣買下6本手工書來興祝 !!!!!!
下次分享啦 ^^
