假期已經過左喇, 今天就收拾心情開工
不過SA身體抱恙昨天突然病起來
到了今天依然好辛苦喔, 吃不下, 吃下的又通通回吐 ..... Ooh !
SA堅持堅持 唔比自己感覺病, 咁就好快可以好番架喇 ^^
快D 快D 睇下第二彈啦 嘻
今天一早便收到同事送比我既暖暖襪, 好靚呀 ^^
第二個係Lotso既暖水袋, 好得意呀
相信 同事們都知道SA怕凍, 大家都準備了保暖用品比我
仲要係我好鍾意既角色, 大壞蛋Lotso 哈哈 !
最後呢, 係舊同事送比我既手信禮物, 蘇梅買回來既鏡盒 怎捨得用呢 ^^
好多謝妳地呀 ^^
呢個係同事朋友既禮物篇, 下一回就到家人篇喇
而且, 亦係SA今年唯一的一份男仕送既禮物 wakakaka !
因為, 男仕們都只會送禮物給自己最親愛的, 是嗎? hehe
聖誕快樂 !!!!!! SA遲來的聖誕祝福
希望每位Blogger都有個窩心的聖誕佳節
無論收到和送出的禮物多寡, 不要緊, 祝福才是最重要呢 ^^
24.12.2011 SA到post office收禮物喔
係由英國聖誕老人 blogger KWAN 送來的
嘩 ! 超級勁開心呀 ^^
等不及BOXING DAY先開喇, 即刻拆 哈哈哈 !
裡面的全是SA喜愛的
烘焙物品, 有個好得意既羊仔形狀 cookie mould, 其他既都好岩用喔
仲有一set nail art 用品, 嘻嘻 Kwan 明白我心意, 愛粉色系列呢
SA最最最鍾意呢 係呢兩個英倫feel既杯墊呀 我會留在家用
一個我的, 一個係SA公子的 ^^
小小心意咭上, 有個好得意既印章公仔,
Kwan Kwan ! 是DIY的嗎? 好得意呀, 等我好好收藏先 :)
拆完之後第一時候放在facebook, 好多朋友仔讚好呀 嘻
家人得知我仲未寄出禮物 還笑言我永遠比別人慢
在學車既時候又比師傅說我動作慢
SA真係豬油包麼 ???
SA呢, 早前12月整個月都忙到傻了 早出晚歸
到今天, 才可以真真正正準備禮物包喇 (包禮物過程都一樣的慢, 包包下又停下來寫blog wakakaka !)
SA係一個遲到的聖誕姥人 ! 嘻嘻 ! 鹿車遲大到喔 !!!!
hm.....咁.....不如.....做新年既禮物啦
財神到 !!!!! wakaka !
再一次多謝妳呀 Kwan :)
終於SA都忙完工作中既大project, 可以專心做好文件工作喇
上司知道上星期SA忙透, 今晚的會議給SA休息一天
真好 ^^ 謝謝錫住我既新上司 ^^ OT完後仲有時間可以買聖誕禮物
星期一比較少人流, 所以便趕快買買買
大部份都為家人挑選 另外再買給同事們 好滿足呀
用左好多錢錢 tim ^^" 不過開心最緊耍
但還有一份比較傷腦筋 最名貴的, 仲未買喔
點算好呢 ???
聖誕快到, SA又轉轉指甲花款
嘻嘻 有D似禮物盒一樣, 希望SA會收到好多禮物就好了 ^^
沒有禮物的話 ...... 一個祝福 亦一樣窩心
嘩 ! 呢兩天好乾燥呀, 太乾既時候真係好辛苦
咀仔痛, 面又乾, 大家要注意下保濕喇 :)
記得SA之前整的那個掛曆嗎?
原來那傻瓜真係會用同玩, 滿足 ^^
聖誕節快到, SA都整左個有DD聖誕feel既gel nail
聖誕feel在那? 嘻嘻 就只有一粒雪花吧 嘻
看, 第一隻手指唔夠令立立喔, 為什麼 ?
因為 ...... SA一口氣將一對手塞進燈機照 節省時間ma !
結果 ........ 第一隻手指照不到
只因為 ......懶 wakakaka !
下次唔敢喇 ^^
聖誕快來喇, SA既俄羅B羊毛毯公仔都完成左喇
SA既朋友睇過我係facebook既分享, 都讚好 好開心呀 ^^
SA今日又諗諗下一個目標, 係做中國娃娃
又試下先 ^^
天氣凍了, 但SA一點都不覺冷
SA媽媽鍾意編織 今年幫SA準備好兩條頸巾 嘻嘻
呢條係早前已經織好既, style好型女架, 唔似Mami出品 哈 !
昨天已經開始用 :)
呢條呢, 係今早Mami拿到我家的 仲有一對保暖襪子
頸巾好靚呀, 不過SA想....咁似肚內的大腸既 wakakakka !
試過喇, 好靚架 ^^ 不過 color就細路女左d
好 ! 等再凍d就可以用"豬大腸"喇 嘻嘻
好開心呀 :)
這兩天, 花園街大火 實在令香港人都憤怒
狂徒既行為令到別人失去至親, 失去家園
那些人必定要得到應得報應 可悲 !
今天SA好失魂 一向好小心既我
竟然係外出工作時跌左自己做的手機套
幸好只是不太值錢既東西 以後都要小心D喇 ^^
手機套 ...... 再做一個吧 :)
今天既工作 預上了一個不禮貌的男性客戶
真係有D唔明白, 男仕們...是否認為只要把自己裝成不可一世
自以為高高在上, 而可以加強自己的尊嚴嗎?
錯了 ! 那種行為只會給人笑柄吧 !
回工司途中, SA在想.....SA既男性朋友, 每個都係好朋友
為什麼男客戶反而咁差的?
又再自答.....傻的 ! 差本質的又怎會係SA既朋友呢 哈哈 !
又係WOR ^^ 愛恨分明, 恨的 永不會是SA心中既朋友
嘻 又講完故事了 ^^ (SA久不久都鍾意講古仔 wakaka !)
好, 睇番SA之狂淘篇
一口氣在淘寶買了一堆貨品回來
令次主要為姐姐買一大堆烘焙包裝用品回來
而且今次用了集運, 非常大件又幾重的, 但發貨很快
收好了, 又要慢慢點貨, 要跟姐姐收回一些手續費先 hehe
而自己呢, 就只買了一些gel甲用品
相片不太清楚 買了很多印花貼紙回來
用得晒嗎? ...... 又真係買了幾多, 但因為每張都只是不過 $2, 有些更只是 $1 ,
運費已經是 $8
那麼就干脆買多些回來, 送給朋友都好呀 ! 質量亦唔錯呀
又有排玩了 ...... 我是狂淘 ! wakakaka !
SA開始玩羊毛毯, 同事朋友都一起玩
最近在淘寶買了一些羊毛回來, 而家有好多顏色可以玩喇
SA好鍾意俄羅斯娃娃, 於是又整一個試試
呢個俄羅B好好笑, 個咀好似沒有血色一樣, 哈哈
SA影完相, 看看效果不太理想
之後就再用隻鮮紅色既羊毛幫佢加上口紅, 精神好多了 !!!! hehe
另外呢, SA就努力緊另一個聖誕版既俄羅B
眼睛都改用羊毛試試效果, 繼續努力拮拮拮 :)
前兩天很快地分享了$12店既戰利品
今天再寫詳細少少啦
差不多全部都係手作用品
有幾張好靚既熨印圖案紙
當SA慢慢選, 慢慢看想要邊張既時候
那個不耐煩既人就替我全放進購物藍中
想慢慢仔細看都不能 :(
仲要說哎呀$12, 唔駛睇咁耐呀 ??
哎呀 ! 唔係$$問題, 只是女生買野就喜歡慢慢看
下次都係飛甩D唔耐煩既人, 自己去看 ^^
跟住仲有做袋子既手挽帶啦, 曲奇印模啦, 熊啤啤貼紙啦
全部都好靚
不過最鍾意都係以下呢個
好靚呀好靚呀, 非常精美既雜誌架
而且一套合共兩個 好抵呀
SA想用來放書籍, 一個放手作書, 一個放烘焙書
但SA既書太多了, 一定唔夠用tim
喜歡的話, 旺角創興商場Daiso有得賣呀
不過記得留番兩套比SA喔, 唔好買晒呀 hahaha !
SA 好多日沒有update blog 喇
因為每年十一月都會比較多節目
十足十台慶月一樣 haha
先係公子生日, 都會同佢玩個痛快
再來就係Macau Grand Prix
到澳門看了兩天賽車, 跟一班朋友盡興 尋日回來了
今天呢, 就去旺角食下野 行下街
聽日就要收拾心情回公司再戰喇
努力 ^^
每次去旺角呢, 都要去10蚊店行下, 買下d得意野
早前blogger都提及已經係12蚊店了
買左好多野回來呀 ^^
好靚既日用品, 同埋其他手作材料等等
12蚊店.....SA既喜愛店舖之一 hehehe
好喇, 準備回公司作戰後 再繼續update :)
終成 終成
SA既大製作完成好喇
過程當中, 當然有些蝦碌事情
但都幸運地完畢整個工程
看看 wakakakaka
係一個什果唧花蛋糕
那些唧花未至太原美, 仲有很多可改善既地方
始終都係第一次做, 還算合格的
12日剛踏進零時零分
先說句生日快樂, 立即彈出蛋糕來
叫SA公子自己開來看看蛋糕, 他開既時候都呆了一會
再問, 買架 ??? 定自己焗的 ????
但看看他的臉上, 係好滿足既笑容
半天的辛勞, 值得 !
再送上禮物, 笑了 哈 !
看著他急急放上facebook分享, 就知道 他真的很歡喜這個安排
SA完成這個"玩味"較重既蛋糕 家中仲有一盒cream
要想想下一個甜品係咩好先 ^^
心情好緊張, 聽日就會為SA公子準備一個生日蛋糕
SA堅持在忙爆既時候 拎一日既annual leave來做蛋糕
雖然只係一個味道很普通既什果蛋糕
但正因為唔係SA既強項, 所以真係有D緊張
而且在practice既時候 總做得不太理想
聽日, 要專注 用心, 慢慢做
為了聽日能夠順利一點
今晚已經將所有用具都先預備好
清潔乾淨後放滿了廚房紙巾cover好用具, 哈 ! 有些誇張了吧
放心, SA公子差不多從不走進廚房, 唔會發現到我既秘密行動 呵 !
明天......努力努力 ^^
岩岩在家完成工作
別人討厭在家上網連接到公司網絡
但對於SA不愛OT既心態來說, 這工作方式也不錯吧
某些工作, 文書, 始終都要獨力完成, 在家聽著歌一邊做,
比在辦公室冷清清地一個人忙碌, 感覺好一點呢
最近, SA又嘗試新手作, 就係玩玩羊毛毯小手作
好玩呀 !!!! 工具簡單, 只要一些不同顏色羊毛, 針, 同一塊"PAD"
拮拮拮 就OK喇, 跟著網上SEARCH到既圖片跟著做
完成了一隻未必十分神似既龍貓, 但都比自己合格啦
肚仔同腰身好似未夠肥, 仲可以慢慢執補
OK 嗎 ?
工作中, 令SA累透了
但SA都沒有氣餒 沒有偷懶
盡力去將手上pending既工作拼命完成
希望可以快d過渡最忙既時候 可以休息下啦 ^^
呢個又係SA整既DIY GEL NAIL, 平常做的大約可以last 兩個多星期
不過呢.....就只係一般咋, 唔緊要啦, 再慢慢研究一下
希望未來可以做得更理想 ^^
一直努力既calender終於完成喇
呢份係一份生日禮物黎既
還未送, 咁快post出來 唔怕失去驚喜嗎 ?
唔怕 ! 因為SA公子都唔睇我既blog既 呵呵 !
先掛在門上看看效果 不過不失啦
或者 可以再加多一點東西
但而家都已經算完成喇
其實那個東東係有d意思的
那裡有SA公子喜歡的汽車品牌 有他愛吃的壽司 和我喜歡的donut
SA烘焙既日子, 會放上donut代替
外出晚飯既日子, 放上壽司
公子跟我一起假期既日子, 放上車車logo
希望每天都愉快咁過 更難忘
男生會喜歡嗎? 就算不會, 起碼我自己喜歡 wakakakaka !
其實整個製作, 都只係一邊想, 一邊做, 好彩都做成呢 ^^
好喇, 下一步就要諗諗蛋糕製作喇 ...... 不過都仲可以偷懶一下 嘻
Yahoo blog 好似都仲有好多地方要修正
SA見update blog既時間好似怪怪的
另外SA這星期都比較忙, 沒有空閒時間update tim
但別忘記"私物語"喔, SA一有時間就會多D發佈架喇
呢個係我既初嘗試羊毛毯 睇住先 ^^
好玩架, 不過要係忙碌過後先可以慢慢再研究喇
SA !!! 繼續努力 ^^
SA 努力緊製作掛曆 其實係一份生日禮物黎既
因為SA既公子十一月就係佢既生晨 好想送一份手作禮物
手作仔, 男生又點會喜歡呢 ......... 所以呢 都盡量將它做得有意思
做好手作後, 就要想想準備生日蛋糕事宜
好忙喔 !!!!!!! hehehe
如果佢喜歡的話, 又點會怕艱辛呢 ^^
係SA超忙既時候, 就分享番一個已經送出既小手作
又來Hello Kitty 盛器
今次做左粉紅色, 同埋公仔再多些 details
喜歡嗎 ? ^^
又來估一下, 那是準備做什麼呢 ?
其實, 佢會係一份禮物, 最基本的, 完成了
但其實仲有部份的, 還未有idea怎樣整
呢份禮物必需要於十一月初完成
SA自己織起一條頸巾給自己, 只差最尾既部份都要臨時放下
呢半個月, 要努力喔 !
亦希望可以分享下我完成後既作品 嘻 !
咁快又將一年了雖然只是十月, SA已經準備好2012年的calender book 為什麼咁早預備好? 因為越遲買, 就越少款式好簡單十元八塊的, 已經好ok喇 2012的, 比今年的可愛得多 ^^
SA用calender的習慣 會繼續下去就算現在的軟件已經非常多元化iphone apps已經好足夠用但總喜歡一本實實在在的講起apps, 最近數天最hit的一定係LINESA當然安裝玩下係! d sticker 真係好得意但不夠兩天 SA亦都移除了它是因為傳聞嗎 ?不算吧, 而是見到在ADD item裡有很多不認識的"朋友" 更有一些我不愛看見的"suggest朋友"圖像或許那些人在他們的phone book有我的電話noSA不想看, 不想見, 亦沒有興趣看到那些avatar
SA有好多唔喜歡的人嗎 ? 不是呢
不會多, 一個半個, 夠喇 hahaha !那麼就乾脆delete整個apps仲好 what apps 反而沒有這問題喔而且已經夠方便 ^^
總結下今年, 都係開開心心既一年
雖然當中有些不快事
看見身邊既朋友性格轉變
變成一個利益當前的人 把朋友都趕走了
不值 !
來年呢 SA會堅持, 對朋友好, 對家人好
快快樂樂 幾好呢 呵呵^^
天才猜猜猜, 看到一堆數字, 會想起什麼來呢 ?
SA仲努力緊, 只是一個開始咋 嘻嘻
終於都Upgrade到新blog喇, 真係好唔習慣原來私物語已經寫了3年, 由最初只寫下私人記事到慢慢地將blog公開, 分享烘焙手作事物真係有d唔捨得將blog放低而且終有一天要upgrade, 咁就乾脆先upgrade喇版面不同了, 而且.....連繫著我的朋友找不到了, 嗚嗚有點失落tim !!! 好想搵番d blogger喔 ! yahoo努力地轉換至新blog相信SA咪私物語不久將來都會係精選blog中消失架喇 喜歡來這裡的, 記著我既網址啦 ^^ 又或者來留言支持下喔快些重新整理一下版面, 要靚靚既 hahahaha !
今日突然要開工整甲
因為早前的已經斷了很多
等不到週末 忍不住要拆了
不過今次快了很多完成
拆加重新上gel 岩岩好三個小時完成
不過太心急了, 今次做得比較厚些
希望可以last到啦 ^^ 我喜愛既綠色 嘻
SA忙碌完一整天, 放工時收到SA家公子來電要求吃住家晚餐
頓時陣腳大亂 ! 幸好公子只要求簡單的一餐 還可以應付得來 ... 呼 !
仲有時間可以寫埋教學呢 嘻
上次整既小髮圈, 其實好簡單的 有興趣的可參考一下
首先準備不織布, 同埋一個梅花型曲奇模子及一支水消筆
鍾意焗曲奇的應該會有模子 嘻
晝好花型剪裁好, 再剪一個圓型及綠色花瓣
分別把梅花對疊兩次再於底部縫起來
大概就係咁喇
然後將花瓣縫於圓型底部, 再平均將四片梅花分別縫上
整理一下完成, 準備橡根一條
預熱熱溶槍, 那是我在深圳買回來的, 第一次用, 不過香港也好容易買到的
於底部唧上熱溶膠, 放上橡根, 最後再加一片不織布cover好橡根線
完成 ^^
希望你地鍾意呢個簡便教學啦 :)
SA好鍾意花心思, 想想有什麼可以DIY
不過都圍繞著做下飾物等等比較女仔D既野
家中有好多唔同顏色既不織布
一於又整下髮圈玩下先
只用好短既時間就完成喇
呢個花款唔止可以做髮圈, 仲可以做手帶都得
d kawaii 日本妹打扮既應該好岩, 分分鐘靚過街買tim
一支針加少少線材, 不織布, 熱溶膠, 咁就得架喇 ^^
打風日, 清早電話 alarm不停響
睡眼仲係半張, 先按按天文台apps看看風暴資料
SA一看成個彈起, 幾多個預較響鬧也比不上台長利害
SA醒晒了 ! 估不到的8號風, 哎.....風呀 !
幸好下午也不用上班, 可以又係家中玩呀玩呀 !
SA砌左一個 bling bling Hello Kitty
用blu tack stick係自己個iphone case睇下效果
...... 都幾得意 ^^ 不過有點失準, 大細眼 tim ><
不過SA唔係用靚既閃石做
如果用swarovski 等高質素的, 我估會好閃呀 :)
不過都唔用住 lu, SA仲等待緊換新電話 先認真做一個比自己 嘻
Hello Kitty 頭, 真身就係咁架喇
加了閃石後, 還ok ma ? ^^"
SA又來講解下親子小手作
嘻嘻......即係超簡單手工藝 小朋友都岩玩
有時候 有d圖案或者公仔好鍾意既, 都可以再變化一下
小朋友喜歡白雪公主, 多啦A夢 就在雜誌找找圖案又OK
選擇自己喜愛既布碎, 又或者紙張圖案都得架
見blogger話 $10店有玻璃珠賣, 但SA總找不到
於是.....在花"木虛"買了平價版的玻璃珠, $15一大包
.........之不過 .........
呢D玻璃珠既品質不太好, 雖然量好多
但總有唔夠圓的, 又或是底部花的
要有準備, 大部份唔理想架 !!
把布碎剪下, 再直接將布用白膠槳塗上待乾,
加上磁貼 可以變成雪櫃貼喇 !
SA再懶一點, 先stick好布, 乾後才把布剪掉亦可 嘻嘻
其實仲可以改成其他作品, 例如髮夾裝飾啦, 布包紐等等
花花心思就得架喇
快d去買珠珠玩下 係咪好易呢 hehe ^^
今日又偷閒 的起心肝開工整gel nail
用課程送既gel 同埋新買既 color gel (淺粉紅)
用左好長既時間先完成喔 !
第一邊既手用比較多時間
另一邊就快很多, 因為已經了解怎樣做
只是做閃粉加貼紙 其他閃石都唔加住
因為SA仲未可以掌握得好, 一切又簡單開始
不過閃粉都未算做得好理想, 有些地方不平均
希望唔會太容易甩, 或者浮起啦 ^^
一浮的話 SA就會成日想"meet"架喇 haha
哎呀 ..... 別人說 ...... 雙手好容易出賣年齡秘密
SA隻手 ..... 看起來 .... 好老呀 wakakaka !
大熱團購 ! SA早前第一次買了團購coupon
云云種類既團購 暫時都只喜歡買課程
買了一個DIY Gel甲課堂
平平地又學到野
SA終於都抽空完成左喇
仲有證書一張 哈哈 ! 好有誠意呀 !
課堂三小時中, 主要是學學 basic 技巧
然後再用自己既手指 試做一隻指甲
對於完全不懂diy既 會有幫助的
不過要記著每個step
SA其實曾已經玩過DIY, 不過當完成後
很快就會甩掉 完全keep唔到多過一星期 哈 !
今次學完之後 希望可以再試下自己整下啦
時間 時間 想貪心點給我多些 嘻嘻
仲有一個羊毛毯袋子課程
期待中 嘻嘻
如果有常到來既blogger有看過我的手作
都會知道SA咩手作都會試玩
但未有特別那一項是最精彩 最專長
但SA就係愛咩都玩 hehehe
今次又玩下Glass Deco
其實還未算完成呢, 因為未買到合適既磁石
買到的話 就可以整成磁石貼啦
努力找找先 :)
雖然中秋節已經過去, 不過辦公室既同事依然繼續分享月餅
客戶送的實在很多, 係公司分享就最好不過了
中秋夜, 沒有到太擠迫既地方
而是到跑馬地靜靜地吃一餐便飯
到了SA好喜歡既皇府 那裡的麵好好食
哈哈 中秋節唔吃月餅 吃糭
只要喜歡便可以啦, 好吃 !
再加上清淡的蝦米腸 滿足了
店內只有我們, 可能已經太晚了
又或許大家都外出狂歡吧
樂得清靜 玩下電話拍照功能 說說笑
再遊遊車河 聽下歌
那就是SA簡單 但屬於我倆的中秋夜
浪漫得有些......嘔嘔地 hahahahaha !
只要懂得珍惜 平凡亦可以是寶貴 :)
中秋節聽日到喇, 祝中秋佳節快樂
要玩得盡情呀
SA之前執拾屋企既時候
無意地發現有本Hello Kitty小物手作書
那時候好鍾意Hello Kitty呢, 而家都仲鍾意 ^^
Hello Kitty Goods Collection都有好多本在家
那本手作書立即拎出來放回書架上
今天又有空閒時間
於是跟書本pattern整左呢個
嘻嘻 靚嗎?
其實size就沒有跟足教學, 因為想做細少少, 方便放手飾等小物
其實在cut材料時都有點猶豫
因為明白到要做得神似, 係會困難d
而且眼睛, 鼻子都要cut成好細小
都算.....不過不失啦
鍾意的話, 來留個言啦 ^^
