這個冬天不覺冷

過兩天又再凍喇 怕凍既我只好縮在家 對著暖爐吧 :(

不過 .... 有愛心冷帽, 又怎再感覺冷呢 ^^

今年同媽咪講, 不如整冷帽比我啦, 唔好再整其他東西喇
好快好快就有喇

好鍾意個綠色花花呀, 係劉太作品, 其他既就係媽咪鈎既

邊頂靚呢 ? 其實最舒服既, 係灰色呢頂喔
但花花就綠色既最好看

過兩天有機會用喇 ^^ 真窩心 ^^

Boxing Day ^^

今日係Boxing Day, 拆禮物喇 ~ 拆禮物喇 ^^

哈哈 ~ 雖然沒有什麼交換禮物活動
公司又抽唔到獎品
唔緊要呢 收到節日既祝福已經幸福喇 ^^
相中既空氣靜化波波 SA咪"格硬"話係聖誕禮物呢 haha !

祝聖誕快樂 ^^

簡易版Chocolate Mousse

開Party想整野食比朋友仔嗎?

就分享一個非常簡單又快捷既朱古力Mousse啦

一杯杯細鈿杯就最岩喇

呢個朱古力Mousse係用鮮奶開成的
因為SA咪屋企沒有Whipping Cream, 只用一盒鮮奶就得喇

就係用呢盒朱古力Mousse粉做, 貪佢好易整

講下點容易法先 ..... 懶人版Mousse 嘻嘻

先將一盒250ml雪凍既鮮奶放入盤中, 再加入朱古力Mousse粉
用打蛋器以慢速拌勻

拌至較"傑身"時後再以高速打發 3-5分鐘, 便可放入杯內
放進雪櫃約1小時, 取出加點裝飾糖即成

少少心得, 將Mousse放入唧花曲奇袋, 直接唧入杯中
比較美觀快捷, 仲可以唧花tim^^
呢個方法比用SPOON慢慢放入可便得多
而且出來效果肯定靚D

呢個甜點岩晒小朋友派對呢
.............最緊要係.......快 !! 嘻嘻

祝聖誕快樂喔 ^^

雅虎送比SA咪既聖誕禮物

今日將d手作仔送晒比同事喇
佢地個個都好開心, 大讚有心思
收到禮物, 真係幾開心呢

回家途中, SA咪在想....唔知今年會有什麼禮物呢
結果雅虎先送我禮物 哈哈

私物語做左精選喔 !
.......係飲食分類喔.....其實SA咪烘焙甜點...係有難度架 hehe
比起其他blogger, SA咪真係小學生黎呢 ^^

Anyway都多謝Yahoo比呢份聖誕禮物我
好驚喜呀 :)

竟然唔捨得送出

今晚SA咪就好好分配邊份禮物送比邊位喇
但奇怪的......SA咪唔捨得呀 !!!! HAHAHA
(又要整黎送比人, 又要唔捨得 !)
不過我估收到的一定會好開心姐

所以一於影番張大合照先

影低記得點襯D布先

今次做既全部送出, 無留給自己呢
唔得唔得, 假期過後一於為自己再做過先 ^^

又收到聖誕禮物喇 !

呢幾日實在太凍喇, 幸好有陽光先感覺溫暖一點

SA咪跟著天氣既改變, 變得懶洋洋 嘻 根本唔想郁喔 :(

不過又有D開心事, SA咪既mail box呢幾日都收到驚喜呀 哈哈

第一個驚喜 .... 係 Dai Dai 唔聲唔聲地寄來 X'mas小禮物

係好得意既 sticker 同掛飾呀 !

入面d粒粒可以郁架, 超得意

Dai Dai, 我怎捨得用呢 ^^

....................... 到第二日, 再打開 mail box

............又有一份既 ?!? hahahaha !

係Blogger Kwan 寄黎架, 又係失驚無神比驚喜我呀 hahahaha !

係一套 X'mas crackers ^^ 可以再黎包裝禮物 ^^

SA咪見咁得意, 又急急開黎玩下
即刻整起左一個 嘻 ! 唔拆喇, 就放係屋企增添多D聖誕氣氛呢

多謝Kwan ^^ 我好開心呀 ^^
收到驚喜真係好開心架 !

妳地都一同送d包裝 accessories 比我
唔通妳地知我個d"姿整" habit ?? hehehe

多謝晒 ^^ 祝聖誕快樂 ^^

又冬甩喇

SA咪每次買完新布回來

總是想整甜甜髮圈

我又整喇 ^^

今次用家人送比我既花邊 效果非常之好呀 :)

呢個花邊原本唔係太手靚, 但襯上來既效果都唔差 bor

送比我係免費比我既, 唔知下次可唔可以貪心d拎多d呢 XD

呢個花邊都係喔 ! 真係好靚呀 ^^
太鍾意碎花喇, 深藍色同啡色既碎花
今次用左另外一隻橡根, 好有彈力 好滿意
等我再繼續整先 ^^

聖誕禮物完成

嘻 SA咪終於都包裝好聖誕禮物喇

一口氣做左十多個包包
包裝得聖誕feel一點

今次選擇print一些貼紙再加絲帶就完成喇
紅色加綠色絲帶已經係好好襯喇
稍後先再放每個包包既成品啦

嘻嘻 ! 做完就可以做其他款式既手作喇 ^^

快完成既聖誕禮物

一口氣做左十數個同款既包包
都應該夠做聖誕禮物喇

差不多每個都有些十同花款或布料裝飾等等

係時候做包裝女工喇 ^^

真係希望收到既人會開心啦 :)

滋潤雪梨水

嘩 ! 天氣非常乾燥呀

大家要好好做好保濕功夫喇

而SA咪呢, 就要潤一潤先

滋潤既雪梨水

不過唔係我煲既 所以沒有食譜提供 XD

材料都應該係雪梨, 冰糖, 蜜餞南北杏個d啦

嘻嘻 唔理咁多, 飲左先 ^^ 

來暖暖身吧 !

天氣冷了, 要小心身體喇

今晚即興想整個蕃薯糖水暖暖身

薑母黑糖蕃薯糖水 ^^
懶懶地只用幾片薑母黑糖磚整, 但好夠薑呀 ^^

hm ........ 暖 lup lup :)

布包鈕之製作教學(二)

上次介紹過十蚊店既布包鈕

今次呢 ~ 就介紹一個再平價一點既布包鈕

成品同材料就係咁喇 ^^

上面既套裝 係十蚊店買既
下面既就係淘寶回來的
今次介紹點用法啦

首完剪一塊小圓布 準備一支尖既工具
在布包鈕上貼一張細細既雙面膠紙
(呢個係用黎固定布塊唔好移位 可以的話剪成圓形放在整個鈕面上)

貼好後準備包緊佢喇

包既時候可能會有些地方起角, 慢慢用手將佢推至理想
然後放入鈕既底部, 壓緊
如果唔夠理想, 可試試用呢D尖既工具幫助推起再做

就係咁喇 ^^

另外之前介紹既十蚊店版本, 可參考以下
http://hk.myblog.yahoo.com/sasa-bakery/article?mid=1240

為Blog友準備既禮物

呢份禮物 係SA咪為Blog友 Kwan準備既聖誕交換禮物
知道佢收到後先post出來
保持一點驚喜好d呢 :)

禮品包內, 包括我做既蘇姑娘咭片套
呢個係我最滿意既一個喔
因為塊布襯得好靚呀 :)

禮品包仲有少少手作用品
我估佢一定歡喜呢 ^^

想了解下咭片套怎樣整, SA咪多一點時間後再分享喔
SA咪仲有一個米老鼠曲奇食譜未寫呢, 要加把勁喔 ^^

深水埗半天遊

嘻 今天是大日子喔 !
因為SA咪早前朋友替我在台灣買既布布
今日終於都約出來比我喇
當然開心啦 :)

分享左朋友為我買既防水布先

替SA咪進貨既係一位同SA咪好好感情既男生
要一個男子漢去買布, 有點難為情呢 hehehe
佢既朋友更笑言佢師奶仔啦

佢仲知我鍾情水玉同碎花 所以一口氣掃晒所有水玉布
感動喔 !
因為知道佢唔太清楚應買些什麼類型
所以只好叫佢只買防水布, 其他麻布我都唔敢再叫買了
呢d布已經好重了 :)

今日同佢出來, 佢再抽時間跟我到深水埗買一些布, 悶死佢了 XD
選來既都係大部份水玉布, 一買便是一碼了
佢更問.....幫妳買左咁多波點布你仲買呀 ???????
..... 呢d用黎做裡布架ma ! SA咪只好答道 : 你唔明架喇 XDDD

再入一些喜愛用既花邊
其中花花布真係唔錯, 幾靚架
藍色既水玉質地比較硬, 好岩用黎配一些麻布
呢D都係 $20一碼, 價錢還可以啦

硬襯及棉芯, 家中已經有了, 不過一場來到, 再買些存貨吧 ^^
硬襯 $11一碼, 棉芯 $14一碼

最後喇, 最後喇, 去埋德祥買些accessories, 絲帶係為X'mas包裝買既

之前SA咪"懶叻"說解決了存放布布之煩惱
........ 相信今日過後又要頭痛了 !!!!

玻璃曲奇 (付食譜)

SA咪之前做既玻璃曲奇

有Blog友仔想要食譜

密密縫製包包

SA咪手中線 希望可以趕快完成聖誕禮物

數下數下, 想起要做好多好多個衛生包包

SA咪已完成左5個喇

有D手工精細D, 有D就麻麻地lu

呢個花款好看嗎 ?

只可惜呢塊布得太少了, 不過又真係幾可愛

要努力先, 希望可以完成最少10個啦

奸爸嗲 ^^