改良版衛生包包

嘩嘩 ! 呢個自己計 size 再做出黎既衛生包包

SA咪好滿意呀 :)

比SA咪燙到扁扁 tim ^^"
咁燙番靚d布送比人都好睇d呢

仲爭內裡少少收口就完成喇

多用途包包, 岩晒女生用既包包

SA咪準備大量做用作聖誕禮物呢 ^^
真可惜沒有一些聖誕feel既布 tim

SA咪稍後再送上呢個包包既製作過程
我記得Blog友仔都有興趣整呢 ^^

放存布布既煩惱

SA咪開始玩手作仔之後
不停買布買布, 雜項又多呢

平時用大大個既膠箱放用品
每次想玩時都差不多成個箱反轉一樣
結果......由頭執過 ! 好煩惱喔

於是就買左個五層窄窄既小膠櫃
將D用具分門別類執好了
要用什麼就打開那一格

有五層高 , 窄身既, 有8吋闊
係實惠買既, 二百幾蚊個
主要係貪佢有"碌", 可以放在什物房, 想玩時就整個推出廳來

小布碎入好袋整齊d放係一格

其他細少雜件就放係外賣盒裡放好

哈 ! 五層都快給我放滿了
希望呢個方法唔駛搞到客廳打仗咁款啦 :)

英國來既聖誕禮物

今日SA咪唔駛番工, 終於有時間要提取郵包同寄件喇 ^^

打開郵包, 係Blogger Kwan 為我預備既聖誕禮物

有張聖誕心意咭 ^^
等我stick係大門先 嘻嘻 (但SA咪大門依然stick住揮春呢 !)
haha 我估香港都有好多人好似我一樣, 揮春放足一年吧 XDD

好可愛既打蛋器喔 ! 咁得意我一定唔捨得用呢 !

狗狗香包 ^^ 成個包裹都好香呀 呢個我會放係電腦旁 ^^

嘻 原來係酒塞黎架, 初初唔知道 tim ^^"
好西洋feel呢 :) 我會放係家既電視旁
(因為咪有個小小手信corner在家 嘻)

嘩 !!!! 我至愛既水玉布呀 ! 好岩用呀 !
超開心呀 等我想想點用先 :)

多謝Kwan喔 非常驚喜呀
p.s. 原來交換禮物係好好玩呀
SA咪第一次玩呢 嘻嘻嘻 !

驚喜... I am ready ^^

hahahahaha ! 最早既聖誕老人黎到香港喇 ^^

雖然只係一張郵件提單 ~ 真係好開心呀

嘻嘻 ! 不過要等到星期六放假先可以提取
因為郵局太早收喇, 放工後趕不上了
好心急喔 !

........ 郵差叔叔, 而家係11月呀, 唔係9月喔 !
派件都在發夢

SA咪都要趕快準備下禮物先

可當cushion既手挽袋

完成喇 完成喇 ^^

好彩沒有爛尾呢

自創拼布手挽袋 好開心呀

刻意做啡色 秋冬用好岩feel呢
上手帶後加上小蝴蝶就睇唔到d縫線喇
呢個袋係長型既, 絕對足夠用黎帶飯盒番公司用

雖然製作時間好長
但心思思想多做一個綠色田園feel既A4 size
用黎放文件出街工作都好呀 ^^

我估下一個可以做得更出色呢 :)

準備爛尾麼 ?!??

大製作 大製作喔 !

之不過 ....... 到最後 ....... 做邊位好難整得靚喔

邊位尚未完成, 試下放上手帶看看效果如果

呢個係SA咪第一個拼布包包
用左好長時間做呢
每個架仔都放入棉花, 漲 bob bob 的

唔想放棄喔 !!!!! 可能花邊要再重新整過先理想 ^^
SA咪要加油喔 !!!!!!

要暫別私物語數天喇
因為咪要準備去澳...........門睇 Grand Prix同水舞間喇

呢個包包, 要稍後再努力喇 :)

開心買鞋, 唔開心買鞋 !

SA咪呢兩日好似有幸運天使守護著一樣
幸運到不得了, 當然開心啦
星期天又可以享受家人聚會
真係開心喇

星期天, 家姐幫我買既鞋仔到來喇

蘇姑娘咭片套

上次SA咪整完既芝麻脆餅, 大家都讚好
食過既同事都紛紛叫我轉行

哈哈 ! 唔通去做芝麻大王麼 ??
一個芝麻餅怎能夠走天涯喔 !!

上星期做既咭片套, 已經送出喇

呢塊蘇姑娘布 SA咪非常喜歡 終於都捨得用喇

真係幾靚 :) 自己都要讚呀 !
待我有空時再分享點整喔 !

最近幾天就忙於製作一個拼布袋仔
因為步驟都幾多 暫時都只係完成好少部份
希望可以加把勁 完成佢啦 ^^

布料進貨中

以下既淘寶, 係SA咪早個星期既買物喇

唔錯喔 !

這所店子已經係第二次幫襯, 主要係手作雜貨為多
布料反而入貨唔多

而且店主經常有小禮物 ! 女人仔係貪心D呢 ^^

有時候店主D網名好鬼靚 但SA咪都心想.....
咩咩小姐到底是否一個肥男人喔 !!! HAHAHA
別管了, 買到岩用既野就已經好了

買了一些口金, 幫身在國外既姐姐入點貨
仲有水消筆, 燙印花, 棉花等等配件

咭片芯, 質量唔錯, 已經做了一個咭片套今日送出
收到既同事好開心呀 :)

很美既蘇姑娘木扣, 皮章質地好好呢

這些全是店主送給我的東西
線板因為訂下來既款式沒有貨
但店主即時送上不同款既比我 還給我退款
真係好好喔 !

嘻 今次超過了一公斤, 所以要多付運費
主要係某些配件原來都好重下

SA咪今日有第二回既淘寶到達了 HAHAHA !
為什麼做"狂淘"呢 ???!!!??
今次幫朋友在北京那邊訂車用東西
送到HK要$100喔 ! 但佢又好想要
於是SA咪幫忙試用集運, 到港也不用$30呢
咁......當然 咪都要加單, 選一些平時運費貴既店子
一口氣集運吧 !
買左咩就下回再分享好了 ^^ 

白芝麻脆餅

SA咪今日又開爐喇 ^^

今日玩白芝麻 ...... 嘩嘩 !

香脆既白芝麻脆餅, 好好味喔 !

分左四包準備聽日帶番公司, 包裝後再加密實袋
希望聽日可以保持脆脆啦 ^^

參考Blogger小曲格格既食譜分享, 減左少少糖

材料: 

低筋粉 100g / 砂糖  45g / 雞蛋 20g / 發粉 1/4 tsp

梳打粉 1/8 tsp / 水 10g / 固體菜油 25g/ 白芝麻適量

SA咪呢個份量係食譜既1.5份量

作法:

1. 低筋粉/發粉/梳打粉過篩放入缸內混合後

2. 加入砂糖/雞蛋/固體菜油/水,用手輕輕攪拌搓勻

3. 將麵團分成小等份搓至圓形, 壓扁後再加上芝麻在面上

(可以加上芝麻後壓扁亦可, 不過壓扁後才加上好似美觀D)

(越薄越好喔 !)

4. 預熱焗爐170度焗10-15分鐘,即成

固體菜油, 係烘焙店有售

小卷廁紙 !

自家創作  ~ 小卷廁紙筒 ^^

聽日再寫 ^^

冬甩髮圈 - 送晒lu !

送晒lu 送晒lu

收到既朋友仔非常開心呀, 又讚我做得靚 同埋包裝得有心思^^

開心死我喇 ^^

不過我會繼續努力, 做多d做多d  !

SA咪最近忙透了, 放工後就想快點回家休息
好想快D去買番D朱古力豆豆整甜品喔 ^^"

今日亦收到淘寶回來既手作用品, 屋企缺貨了
待我點好貨後再慢慢分享啦 :)

波點紙巾盒 (付製作)

SA咪早前整既紙巾盒 其實唔難整既, 有興趣就試下玩下 ^^

一口氣做左兩個, 第二個捉緊了技巧 做得比較好

呢個係SA咪第一個做既

先準備布料, 面布同里布各一塊 長 42cm 闊 32cm

面布及里布中加上夾棉 如果沒有可燙既夾棉
在加上壓線時, 先在布上疏縫定好位置, 再車上壓線
(但用可燙夾棉比較好, 因為會貼些, 車壓線美觀一點)

然後做好包邊, 做好之後在布上分別在中間位置縫上四條布條
(因為相片未最清楚 記得係在里布上縫上, 唔係面布喔 ^^)

做好之後再將布(長度兩邊)縫好, 中間要留位置取紙巾
(有需要時, 拿一盒紙巾來對對位置)

縫好後就可以用喇, 放入紙巾盒後兩邊整理好並打上蝴蝶結即成

如果想好似圖中, 加上花邊作裝飾
那麼在縫布邊前, 先加上花邊 做好布邊後再手縫上啡色絲帶

朱古力香蕉蛋糕仔

一切由一隻爛香蕉開始

哈哈 ! 今日已經送出喇 ! 好評喔 !

MAMI 比我既香蕉, 原本沒有想整什麼
但又唔想浪費了它
所以就快快整個朱古力蛋糕仔 請同事食

超簡單 SA咪晚上九點幾先開始整, 好快就完成喇

效果好grand既金色蛋糕模仔, 做出黎都幾high class
加些黑加侖子乾, 少少酸酸地但好同香蕉味好襯架

SA咪係用左孟老師100道小蛋糕既食譜
不過有少少改良 改左少甜一D
同事都話甜度岩岩好 食完仲比番個吉袋我回收
個咀仲不停地郁緊, 好搞鬼呢

分享自家改良食譜先 ^^

材料:
香蕉肉 70克    
煉奶 30克    
無鹽牛油 65克    
砂糖 45克    
全蛋 1隻
低筋麵粉 90 克    
梳打粉 1/8茶匙    
無糖朱古力粉 10克    
黑加侖子乾適量

作法
1. 先將香蕉壓成泥狀(可留一些香蕉肉), 加入煉奶拌勻
2. 牛油放室溫軟化後, 加入砂糖以打蛋器拌勻
3. 加入蛋用打勻後再加入煉奶香蕉泥拌勻
4. 篩入低筋粉, 梳打粉及朱古力粉,以橡皮刮拌勻,再加入黑加倫子乾
5. 入小型紙模至7成滿,放入已預熱焗爐,以180度,焗20分鐘即成

如果係用大些既蛋糕模, 就因應焗爐火力焗多些時間, 或以牙簽測試下熟透未便可